bibliocovas

O ENTROIDO ESTÁ A CHEGAR

2012-02-08T01:51:00.000-08:00

RECURSOS PARA O ENTROIDO RECOMPILADOS POLA COORDINADORA GALEGA DE EQUIPOS DE NORMALIZACIÓN E DINAMIZACIÓN LINGÜÍSTICA

BÓTALLE UNHA OLLADA... VAICHE GUSTAR!

2012-02-08T01:40:00.000-08:00

DÍA DA PAZ 2012

2012-02-04T04:26:00.000-08:00

O 30 de xaneiro conmemoramos no centro o día da paz cunha escenificación do poema de Nicolás Guillén "A muralla". Despois todos os nenos e nenas dende 3 anos ata 6º leron poemas alusivos a este día.

ANIVERSARIO DE CASTELAO NO DÍA DA PAZ

2012-01-28T06:21:00.000-08:00

O día 30 de xaneiro de 1886 naceu en Rianxo Alfonso Daniel Rodríguez Castelao, unha das figuras máis importantes da cultura galega do século XX.

Para saber máis, preme na imaxe.

30 XANEIRO DIA ESCOLAR POLA PAZ

2012-01-27T07:21:00.000-08:00

O seminario galego de educación para a paz propón unha morea de recursos e ferramentas para traballar a loita contra a pobreza, os dereitos humanos, a igualdade de xénero...

preme na imaxe para saber máis

RECURSOS PARA A PAZ

2012-01-25T12:39:00.000-08:00

MAHATMA GANDHI

Actividades tomadas do blog BIBLIOTICS dunha recopilacion de recursos e actividades atopadas no blog RED DE BUENAS PRÁCTICAS 2.0 para conmemorar o DÍA DA PAZ.
Se queres acceder a todas as actividades, preme na imaxe de Gandhi.

Preme na pombiña
Recompilación de recursos para traballar a educación en valores e a PAZ feito por María Fernández García do CEIP de CERVO.

Graciñas a tod@s

DEDICADO A TODAS LAS PROFESORAS Y PROFESORES DE LA EDUCACIÓN PÚBLICA.

2012-01-21T03:43:00.000-08:00

MORREU ISAAC DÍAZ PARDO

2012-01-05T08:21:00.000-08:00

Isaac Díaz Pardo (foto de Pepe Ferrín)

UN NADAL DE LIBROS

2011-12-29T04:30:00.000-08:00

Os nenos e nenas de 6º de primaria fixeron este "belén" con libros para desexarnos a tod@s felices lecturas.

2011-12-22T10:05:00.000-08:00

BO NADAL E FELIZ 2012

2011-12-16T12:01:00.000-08:00

Este ano elaboramos un CALENDARIO 2012 con fotos das postais feitas polos nenos e nenas do colexio.
Desexamos a tod@s o millor.
calendario_2012

RECURSOS PARA O NADAL 2011

2011-12-09T03:59:00.000-08:00

Preme no boneco de neve

A Coordinadora galega de equipos de normalización e dinamización lingüística ten á nosa dispor unha serie de recursos para este Nadal.

CHEGA O NADAL E MÁIS O APALPADOR

2011-12-04T04:19:00.000-08:00

Actividades LIM sobre O Apalpador, elaboradas pola coordinadora de ENDL do Barbanza.

DIA DO PEON E XOGOS TRADICIONAIS

2011-12-02T02:52:00.000-08:00

Un ano máis celebramos no colexio durante o mes de novembro o Día do Peón e os Xogos tradicionais. Aquí tedes unha mostra desta actividade.

6 BIBLIOTECAS GALEGAS PREMIADAS

2011-12-01T04:49:00.000-08:00

Acaba de chegarnos a comunicación do Ministerio cos premios nacionais de boas prácticas correspondentes ao ano 2011. As bibliotecas escolares galegas seguen a ser recoñecidas.

Modalidade A (centros de infantil, primaria, educ. especial e educación de persoas adultas)

1º premio: CEIP A LAMA, de A Lama, Pontevedra.

2º premio: CEIP CONDESA DE FENOSA, de O Barco, Ourense.

3º premio: CRA DE RIBADUMIA, Ribadumia, Pontevedra

3º premio: CEP XOSÉ MARÍA BREA SEGADE, de Taragoña-rianxo, A Coruña

Modalidade B (centros de ensino secundario, formación profesional, ensinanzas artísticas e escolas de idiomas):

3º premio: IES DE CELANOVA, Celanova, Ourense.

3º premio: IES ALEXANDR BÓVEDA, de Vigo, Pontevedra.

Como vedes, 6 novos galardóns. Non temos aínda o listado total, pero segundo nos din do ministerio, volve ser a comunidade máis premiada.

PARABÉNS CON MOITA ALEGRÍA A TODAS E A TODOS!!!!

DÍA INTERNACIONAL CONTRA A VIOLENCIA DE XÉNERO

2011-11-24T10:05:00.000-08:00

Recursos para traballar este tema recopilados polo CEIP VICTOR SÁENZ, un gran traballo.

2011-11-22T11:05:00.001-08:00

PREME AQUÍ

Grazas ao CEIP Condesa de Fenosa (O Barco de Valdeorras) por esta fantástica presentación sobre Álvaro Cunqueiro

FORMACIÓN DE USUARIOS (PROFES)

2011-11-17T11:58:00.000-08:00

Este primeiro trimestre estamos coa Formación de Usuarios para Profes, especialmente para o novo profesorado do centro.
Nesta sesión traballamos a búsqueda no catálogo Meiga da biblioteca, como facer préstamos informatizados e búsqueda física pola biblioteca (as zonas para cada ciclo, o tellolo dos libros...).

MOCHILAS VIAXEIRAS

2011-11-14T12:02:00.000-08:00

IV EQUIPO DE COLABORADORES DA BIBLIOTECA

2011-11-09T08:46:00.000-08:00

Neste curso 2011-2012 temos 25 colaboradores no equipo da biblioteca.
Son os nenos e nenas de 6º curso que todos os recreos van en turnos a ordenar, clasificar e vixiar a biblioteca. Están a facer un gran traballo e despois dun tempo de proba por fin firmaron os "contratos".
Tamén entregamos as MOCHILAS VIAXEIRAS. Temós 4 (unha por ciclo) cun surtido de lecturas para ler toda a familia.
Non podemos esquecer os gardacarnés que nos fixo a ANPA para cada aula de infantil e primaria. Podedes ver as fotos e o ben que quedaron.

DÍA DA BIBLIOTECA

2011-10-24T08:35:00.000-07:00

Hoxe día 24 de outubro celebramos no colexio o DÍA DA BIBLIOTECA. A actividade elexida este ano foinos recomendada por todos os colexios que a levaron a cabo. Trátase dos PADRIÑOS E MADRIÑAS DE LECTURA. Nela os nenos e nenas "maiores" de 4º,5º e 6º de Primaria prepararon contos, lecturas, pequenas dramatizacións..., e incluso fixeron títeres, decorados e ata un pequeno teatro. Con todo isto foron ler aos nenos máis pequenos do colexio. Aínda que tiñamos pensado ler no patio, como o tempo non nos acompañou, limos noutros espazos do colexio: ximnasio, biblioteca, corredores, clase... (calquera sitio é bo acompañado dun bo libro).
Todos os nenos e nenas disfrutaron con esta actividade que esperamos repetir máis veces.
Grazas a todos os padriños e madriñas que o fixeron moi ben e con moita ilusión.

FORMACIÓN DE USUARIOS

2011-10-03T12:03:00.000-07:00

PREME NA IMAXE PARA FACER AS ACTIVIDADES

Durante este primeiro trimestre traballaremos a FORMACIÓN DE USUARIOS NA BIBLIOTECA e dende a biblioteca do CEIP de Pedrouzos (Brión), achégannos un enlace á súa aula virtual onde podemos entrar como convidados e coñecer un material de formación de usuarios, feito coa ferramenta LIM e que exemplifica o tipo de actividades que se poden levar a cabo desde a biblioteca, coa finalidade de desenvolver no alumnado habilidades específicas para o uso das fontes informativas e dos recursos que esta pode ofrecer.
Agradecemos a xenerosidade do equipo da biblioteca poñendo a disposición de todos esta ferramenta.

OUTUBRO, MES DAS BIBLIOTECAS ESCOLARES

2011-10-03T12:00:00.000-07:00

Xa estamos no mes de outubro e as bibliotecas escolares están xa inmersas en proxectos e actividade. Por moi escuro que sexa o futuro, sen dúbida está aí, chamando á porta, e as bibliotecas han estar preparadas e adiantarse un paso, sen deixar de soñar.

Para celebrarmos o Día da biblioteca (24 de outubro), o mes da biblioteca escolar (segundo convocatoria da IASL), un curso máis, a Consellería de Educación edita un cartaz cunha imaxe dun autor galego. Nesta ocasión, Emma Ríos, ilustradora do mundo do cómic, interpreta o lema proposto, Biblioteca escolar, última xeración, e ofrécenos unha visión alegre e cómplice do que son e poden ser as bibliotecas escolares: lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía.

BICENTENARIO DE NICOMEDES PASTOR DÍAZ

2011-09-14T11:31:00.000-07:00

O día 15 de setembro fai 200 anos que naceu en Viveiro NICOMEDES PASTOR DIAZ, un gran escritor, xornalista e político.
Seguro que recoñecerás esta estatua que está na Praza Maior de Viveiro.

Se queres saber máis... preme na imaxe.

XOGOS DO MUNDO (continuación)

2011-09-13T11:43:00.000-07:00

O luns comezamos o cole e celebramos os XOGOS DO MUNDO que non rematamos en xuño por culpa da choiva.
Contamos coa axuda dos EX-ALUMNOS de 6º que fixeron de Monitores e aos que damos as grazas e desexamos que na ESO lles vaia tan ben como no noso colexio e que sempre gardaremos un bo recordo de todos eles.
Aquí quedan estas fotos e como comezo do curso... non estivo nada mal.

2011-09-11T12:06:00.000-07:00

III EQUIPO DE COLABORADORES DA BIBLIOTECA

2011-07-10T04:09:00.000-07:00

O cole, que aventura!

View more presentations from covastk

GRAZAS POLO ESTUPENDO TRABALLO E XA SABEDES QUE ESTAREDES SEMPRE NA BIBLIOTECA!

LECTURA DOS CONTOS E POEMAS DO MUNDO

2011-06-28T07:09:00.000-07:00

Durante dous días tivemos na biblioteca sesión de lectura dos "Contos e poemas do mundo" que elaboraron cada unha das clases adaptando, reescribindo e ilustrando contos e poemas de distintos países. Tamén cantaron e bailaron unha canción de Galicia.

Resultou un completo éxito coa participación de todos os nenos e nenas que aínda que estiveron nerviosos, fixéronno moi ben.
Con todos os contos e poemas elaboraremos un libro que quedará na biblioteca do cole.
Grazas a todos e pasade un bo verán.

XOGOS DO MUNDO

2011-06-25T07:06:00.000-07:00

Para rematar o curso e dentro do proxecto de Interculturalidade " de cores é máis divertido" fixemos os "Xogos do mundo".
Comezamos cun desfile dos nenos e nenas do 3º ciclo e un baile sobre a amizade.

Despois comezaron unha serie de xogos de todos os continentes e nos que todos os nenos e nenas do cole participaron aínda que tivemos que interrumpir pola choiva.

Agradecemos a colaboración dos nenos e nenas de 6º que exerceron de monitores ensinando aos demais en que consistía cada xogo.

XORNAL "O CHARLATÁN DE COVAS" 2011

2011-06-21T08:16:00.000-07:00

Open publication - Free publishing

Cun pouco de retraso por cuestións técnicas por fin publicamos o noso xornal anual.

Este número está adicado a LOIS PEREIRO e traballamos tamén no proxecto sobre INTERCULTURALIDADE "de cores é máis divertido" que fixemos entre o Equipo de dinamización da biblioteca e o Equipo de normalización e dinamización lingüística.

Agradecemos a colaboración de toda a comunidade educativa.

ADEUS A JORGE SEMPRÚN

2011-06-08T12:09:00.000-07:00

O escritor , ex-ministro e cineasta Jorge Semprún morreu o martes pola noite en París. Tiña 87 anos.

Preme na imaxe para saber máis

2011-06-05T10:29:00.000-07:00

A INSOPORTABLE LEVEDADE DAS BIBLIOTECAS ESCOLARES GALEGAS

Documento que recolle bastantes matices do malestar da inmensa maioría de nós diante da previsible desaparición de formadores específicos no noso ámbito e o que este feito conleva e significa

[https://docs.google.com/document/pub?id=1ezgStaYKUzoU8n-r8kOjKCHlo8nHhD8lMn8QtLdryTs&pli=1]

EXPOSICIÓN NO COLEXIO SOBRE A INTERCULTURALIDADE

2011-06-04T01:02:00.000-07:00

Esta é a exposición feita no colexio sobre a INTERCULTURALIDADE con materiais aportados polos pais e nais dos nenos e nenas do centro.
Este foi o proxecto no que traballamos este curso proposto pola biblioteca do centro.
Hai fotos, obxectos típicos, traxes e ata comida.

Moitas grazas a tod@s pola vosa colaboración.

ASOCIACIÓN DOWN DE LUGO

2011-05-30T04:14:00.000-07:00

O xoves 26 de maio visitáronnos os rapaces da asociación DOWN LUGO, que nos contaron o que significaba ter a "síndrome de Down", e o que facían na súa asociación, polo que todos comprobamos que todos somos iguais.
Tamén nos ensinaron uns "cortos" e poidemos facerlles unha morea de preguntas.

Gustounos moito falar con eles.

DECÁLOGO SOBRE O SÍNDROME DE DOWN

CELEBRAMOS OS MAIOS

2011-05-29T03:17:00.000-07:00

O venres 27 celebramos os Maios como é costume no colexio. Como o tempo acompañou aínda que con un pouquiño de vento, dixemos o desfile polo Paseo Marítimo de Covas ata o parque Pernas Peón onde cantamos as coplas e bailamos. Numerosos pais e nais acompañaron o desfile e tamén un grupo de "avós" do Geriátrico.
Aquí están as fotos.

A NENA E O GRILO

2011-05-28T04:17:00.000-07:00

Video da canción CRI CRI ( eu falo así) de "A nena e o grilo"
Un fermoso video e unha fermosa canción.

LENDAS

2011-05-11T11:33:00.001-07:00

Blanca e Miriam T. de 6º fixeron un traballo de investigación sobre lendas e atoparon esta sobre a calzada dos xigantes.

Para poder lela, PREME na imaxe.

VISITA Á BIBLIOTECA DO IES MARIA SARMIENTO

2011-05-04T11:45:00.000-07:00

Na mañá do martes a clase de 6º de primaria foron de visita á biblioteca do IES María Sarmiento. O profesor Xan,responsable da biblioteca,explicoulles a clasificación dos fondos pola CDU, as distintas zonas da biblioteca, a sala de audiovisuais e contestou a todas as preguntas que fixeron os rapaces.

Unha visita moi interesante!

DÍA MUNDIAL DO LIBRO

2011-04-23T03:52:00.000-07:00

QUEN É QUEN?

O 23 de abril celebramos o Día Mundial do libro e dereitos de autor e con esta presentación queremos poñer a proba os teus coñecementos sobre Miguel de Cervantes e William Shakespeare.
Adiante!

QUEN É QUEN

View more presentations or Upload your own.

XOSÉ NEIRA VILAS

2011-04-14T10:06:00.000-07:00

Video streaming by Ustream
Conferencia de clausura dos Encontros de bibliotecas do PLAMBE 2011 a cargo de Don Xosé Neira Vilas, unha fermosa conferencia todo amor polos libros.

RECURSOS SOBRE LOIS PEREIRO

2011-04-13T04:07:00.000-07:00

Actividades para os ciclos de Infantil e Primaria sobre a figura de LOIS PEREIRO, escritor homenaxeado no Día das Letras Galegas 2011.

VISITA DA NAI DE DENNIS

2011-04-11T07:55:00.000-07:00

O luns tivemos a visita de Marta, a nai de Dennis, que viviu moitos anos no Reino Unido. Contounos moitas cousas acerca das tradicións, festas, comida e costumes dese país. Tamén vimos fotos de monumentos , lendas coma a do monstro do Lago Ness e fotos da visita de Dennis a Londres. Trouxo diferentes produtos ingleses: té, caramelos, xudías...

Grazas Marta pola túa colaboración

UN DÍA NO TEATRO

2011-04-09T08:24:00.000-07:00

Infantil e o primeiro ciclo foron ao teatro Pastor Díaz para ver un espectáculo de títeres titulado "TITIRICIRCUS". Pasáronno moi ben e ata Iris (de 1º) actuou na obra.

DÍA DO LIBRO INFANTIL

2011-04-03T02:00:00.000-07:00

O pasado día 2 de abril celebramos o Día do Libro Infantil. No colexio limos libros escritos por Hans Christian Andersen (A sereíña, O parrulo feo, O traxe novo do emperador...). Todos os nenos/nenas e mestras levaron un marcapáxinas cun debuxo do proxecto da biblioteca (Interculturalidade) e polo reverso a biografía de Andersen.

Así pintaron algúns marcapáxinas.

GÚSTANOS LER... E QUE?

2011-03-29T11:48:00.000-07:00

View more presentations or Upload your own.

DÍA DO LIBRO INFANTIL

2011-03-28T06:29:00.000-07:00

O día 2 de abril conmemoramos o Día do Libro Infantil. Esta data foi elexida porque este día naceu o gran escritor de libros para nenos HANS CHRISTIAN ANDERSEN.
Un dos libros máis coñecidos é "O parruliño feo" e con motivo do tema monográfico da biblioteca "Interculturalidade: de cores é máis divertido", este video tenta de suliñar que a diferencia tamén é divertida, que todos somos diferentes pero temos que tratar e ser tratados igual.

21 de marzo -DIA CONTRA O RACISMO

2011-03-21T08:27:00.001-07:00

Hoxe día 21 de marzo celébrase o Día contra o racismo e a xenofobia.

INTERCULTURALIDADE

2011-03-20T07:04:00.001-07:00

MORREU JOSEFINA ALDECOA

2011-03-19T07:18:00.000-07:00

O día 16 de marzo morreu en Cantabria a escritora e pedagoga Josefina Aldecoa.
Foi filla e neta de mestras e en 1990 escribio a novela autobiográfica "Historia de una maestra".

Se queres saber máis de Josefina Aldecoa, preme na imaxe.

VIDEOCLIP DO ENTROIDO

2011-03-16T01:24:00.000-07:00

Lenda de "El hombre caimán"

2011-03-11T11:27:00.000-08:00

Así debuxaron os de 5 anos a lenda que lles contou Nora sobre "El hombre caimán" .

EXPOSICIÓN DE CARAUTAS

2011-03-07T10:17:00.000-08:00

Para celebrar o Entroido tivemos unha exposición de carautas feitas polos nenos e nenas do colexio. Participaron todos cunha gran creatividade e colorido.
Estos nen@s merecen un bo premio.

Feliz Entroido a tod@s!!

A LENDA COLOMBIANA "EL HOMBRE CAIMÁN"

2011-03-07T04:34:00.000-08:00

Os nenos e nenas de 2º de primaria debuxaron así a lenda "El hombre caimán" que lles contou Nora .

Open publication - Free publishing - More lendas

FESTA DO ENTROIDO

2011-03-05T04:05:00.000-08:00

O venres celebramos o Entroido. Disfrazámonos de bandeiras dos países dos nenos e nenas que temos no cole. Como o tempo non invitaba a saír polo Paseo Marítimo, desfilamos polo colexio e bailamos no ximnasio. Un grupo de xuices encargouse do xuicio ao Entroido que declararon culpable, e despois de recitar as coplas cada un dos ciclos... queimámolo.
Para rematar a festa non faltaron:rosquillas, orellas e filloas.

VISITA DE NORA , UNHA NAI DE COLOMBIA

2011-03-04T11:14:00.000-08:00

Seguindo coas actividades sobre o proxecto de Interculturalidade da biblioteca, o xoves tivemos a visita de Nora que é a nai de Ana Gabriela e Carme.
Nora é de Barranquilla (Colombia) e estivo no cole para contarnos como se celebra o Entroido no seu pais.
Todos os nenos, nenas e profes disfrutamos da música típica, a lenda do "Hombre Caimán", das espectaculares fotos do Entroido, da cidade de Barranquilla e dunha exposición de obxectos e productos típicos de Colombia.

Grazas Nora pola túa colaboración.

RECITANDO A ROSALÍA

2011-02-26T02:00:00.001-08:00

O día 24 de febreiro celebramos o "Día de Rosalía de Castro" no colexio facendo un recital de poemas de esta escritora. Todos os nenos e nenas recitaron entre outros: "Pra a Habana","Adiós ríos, adiós fontes"... e a proxección dun video cunha canción e imaxes do poema "Como chove miudiño".
Grazas a todos porque o fixeron moi ben.

RECURSOS PARA O ENTROIDO

2011-02-20T09:16:00.000-08:00

O Entroido está a chegar e se premes na imaxe terás unha morea de recursos da páxina da coordinadora galega de equipos de normalización e dinamización lingüística.

2011-02-20T09:02:00.001-08:00

INTERCULTURALIDADE

2011-02-16T09:51:00.000-08:00

Xa puxemos a andar o proxecto deste curso "Interculturalidade: de cores é máis divertido" que ten como obxectivo "fomentar o coñecemento das distintas, culturas, razas, crenzas, costumes..."

No colexio temos nenos/as que eles e/ou seus pais/nais proveñen doutros países ou pertencen a outros grupos culturais e con este fin queremos organizar actividades para acadar o obxectivo proposto anteriormente.

Pedimos a colaboración dos pais/nais dos nenos/as e polo momento a resposta é moi satisfactoria.

Graciñas

Video atopado en casadetol@s.nireblog.com

GÚSTANOS O TEATRO

2011-02-04T10:32:00.000-08:00

Os nenos e nenas do 1º Ciclo e de Infantil foron ao teatro Pastor Díaz. Os de 1º ciclo viron a obra "Cacarabín, cacarabón" e os de Infantil "Bajo mi cama una estrella".
Que teatreiros sodes!

VIDEOCLIP DO DÍA DA PAZ 2011

2011-02-01T07:24:00.000-08:00

CELEBRAMOS O DÍA DA PAZ

2011-01-31T10:24:00.000-08:00

Hoxe luns celebramos no colexio o Día da Paz, en primeiro lugar limos unha mensaxe do que significa este día, os nenos e nenas de 2º recitaron un poema e de seguido a ritmo de "waka waka" todos os nenos fixeron un baile con pasos típicos de danzas dos distintos continentes: o 1º ciclo representaron a Europa, 3º a Asia, 4º a Oceanía, 5º a Africa e 6º a América. Os nenos e nenas de infantil bailaron pasos típicos da muiñeira representando a Galicia.
Máis tarde todos cantamos a canción "O progreso" e para rematar o 3º ciclo cantou "We are the world".

ACTIVIDADES PARA TRABALLAR A PAZ

2011-01-22T04:00:00.001-08:00

O CEIP VICTOR SAENZ elaborou un recopilatorio sobre a PAZ.
Estupendo traballo onde hai de todo un pouco.
Grazas!

Máis enlaces a páxinas sobre a paz.

PREME AQUÍ

O SOLDADIÑO DE CHUMBO

2011-01-16T11:49:00.000-08:00

Trátase dunha adaptación do clásico de Andersen aos novos formatos dixitais levada a cabo por Xabier Senín a partires da multipremiada curtametraxe animada feita por Continental Producciones e Algarabía Animación. Os deseños son de Alfonso Costa, a música de Emilio Aragón e as voces de Manuel Manquiña e Luis Piedrahita.
A ambientación: no museo do xoguete de Allariz.

O CONTO TOLO, TOLO, TOLO...

2011-01-12T04:42:00.000-08:00

Os nenos e nenas de 6º representaron un conto un tanto especial, xuntamos a dùas Carapuchiñas que non se levaban moi ben, apareceu Spiderman e a madrastra de Brancaneves que quería darlle a merenda... enfín... un conto moi tolo co que disfrutamos no colexio.

2011-01-11T08:32:00.000-08:00

Este ano fumos tan tan tan bos que viñeron traernos agasallos os Reis Magos e máis Papá Noel.

CELEBRAMOS O ÚLTIMO DÍA DO TRIMESTRE

2010-12-23T04:34:00.000-08:00

O día 22 celebramos o último día do trimestre recibindo aos Reis Magos na biblioteca e todos os nenos e nenas tiveron un agasallo.
Despois os nen@s de 6º escenificaron unha obra de teatro moi, moi divertida " O conto tolo, tolo, tolo". Todos no colexio disfrutaron desta festa.
Para ver as fotos teredes que esperar un pouquiño.
Ata o ano que ben!

BO NADAL DENDE A BIBLIOTECA

2010-12-19T03:14:00.000-08:00

Open publication - Free publishing - More suxerencias

NORABOA AO CEIP DE CERVO

2010-12-18T10:43:00.000-08:00

O CEIP de CERVO recibiu o 2º premio do MEC de Boas prácticas de bibliotecas escolares 2010.

Dende o CEIP de Covas dámoslles a nosa noraboa por ese premio e polo gran traballo que fan dende a biblioteca.

Se queres botarlle unha ollada a bibliocervo, preme na imaxe.

RECURSOS PARA O NADAL

2010-12-10T03:38:00.000-08:00

A Coordinadora Galega de ENDL vén de poñer á disposición da comunidade educativa unha páxina web dedicada ao Nadal.

1.- Postais elaboradas polo alumnado
Este espazo acolle felicitacións feitas polo alumnado e permite que calquera usuario envíe algúns destes traballos para felicitar o Nadal e o Aninovo a través da rede. O prazo de recepción de postais continuará aberto ata o 17 de decembro (vid. instrucións no documento anexo). Así mesmo, contén modelos de cartas para enviar aos Reis Magos e ao Apalpador.

Enderezo:

http://www.coordinadoraendl.org/nadal2010/index.php

2.- Recursos para traballar nas aulas
Escolma de recursos sobre o Nadal elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, o refraneiro, etc.

Enderezo: http://www.coordinadoraendl.org/nadal2010/recursos/index.php

O APALPADOR VEN PARA O NADAL

2010-11-30T00:53:00.000-08:00

O Apalpador ou Apalpabarrigas baixa das montañas do Caurel todos os anos polo Nadal.

Se queres saber máis sobre este personaxe, preme na imaxe.

Webquest sobre O APALPADOR feita polo CEIP de Friáns- Teis de Vigo.

A ver o que aprendiches sobre o Apalpador. Fai este cuestionario que nos manda o Recanto do Mik.

O conto de Raquel

2010-11-26T11:02:00.000-08:00

Raquel de 5 anos escribiu un fermoso conto dun verme e unha castaña e tamén dunha árbore.

Grazas Raquel

INFANTIL FOI AO TEATRO

2010-11-23T00:25:00.000-08:00

O pasado xoves, os de infantil de 4 e 5 anos foron ao teatro Pastor Díaz para ver a actuación do MAGO PACO.
Pasárono estupendamente e como son moi listos descubriron casi todos os trucos do mago.

A CASTAÑA E O VERME

2010-11-19T10:53:00.000-08:00

IRIA , unha nena de Infantil de 4 anos , escribiu este conto polo Magosto xunto cos seus compañeir@s de clase.
Grazas Iria por compartir o teu traballo con nós.

MAGOSTO NO COLE

2010-11-12T10:07:00.001-08:00

Para ver como celebramos o Magosto, preme na foto.

OS NEN@S RECOMENDAN...

2010-11-03T10:06:00.000-07:00

Lorena de 6º levou a mochila viaxeira e quixo deixarnos este comentario sobre un libro da mochila.

"O libro que máis me gustou foi O PEQUENO HOPLITA de Arturo Pérez-Reverte.

Gustoume sobre todo a valentía dos homes e do neno. Eles defendían o seu e tamén loitaban pola liberdade da súa familia e nunca se rendían".

Non deixedes de ler este libro que vos gustará.

MÁIS SAMAÍN

2010-10-28T02:17:00.000-07:00

LIM colaborativo atopado en Casa de tol@s.

NADARÍN

2010-10-27T06:23:00.000-07:00

Para celebrar o "Día da Biblioteca" un grupo de nen@s de 5º de Primaria puxeron en escena unha adaptación do libro "Nadarín" de Leo Lionni con títeres feitos con cartolina.
Tivo lugar na "Hora de ler" e asistiron todos os nenos e nenas do colexio que disfrutaron moito.

ACTUACIÓN DUN GRUPO DE EX-COLABORADOR@S DA BIBLIOTECA

2010-10-23T02:13:00.000-07:00

Para conmemorar o "Día da biblioteca" visitounos un grupo de ex-colaborador@s que traballaron na biblioteca hai dous cursos.
Rocío Carreja,Clara,Sarai,Nuria Lago e Rubén Franco estiveron no colexio o venres pola tarde e fixeron as delicias dos nenos e nenas e tamén dalgún pai e nai que viñeron ver a actuación.
Escenificaron con títeres (feitos por Clara) o libro "Tres desexos".
Graciñas a tod@s!!

XA SAÍRON AS MOCHILAS VIAXEIRAS

2010-10-22T02:20:00.000-07:00

O mércores saíron as catro mochilas deste curso. Este ano temos unha mochila para cada ciclo.

Felices lecturas para toda a familia!

O SAMAÍN

2010-10-14T11:53:00.000-07:00

Dende o blog da biblioteca do CEIP Víctor Sáenz de Mazaricos chegan esta morea de recursos para celebrar o Samaín. Hai de todo:cancións, videos, xogos, libros...
Vai ser un Samaín... de medo!
Graciñas dende Covas.

OUTUBRO, MES DAS BIBLIOTECAS

2010-10-14T11:50:00.000-07:00

"Biblioteca escolar: un mundo de oportunidades"

Seguindo a dinámica iniciada en 2008, a Consellería de Educación difunde un cartel a comezos de outubro (que chegará aos centros nestes días), co fin de lembrar as posibilidades da biblioteca escolar, e apoiar a visibilidade do traballo que o profesorado dos centros vén realizando para facer útiles estes importantes recursos educativos. Manuel Lariño e Miguelanxo Prado puxeran imaxe aos carteis anteriores. Nesta ocasión é Marina Seoane quen aceptou o reto de ilustrar o lema proposto, unha ilustradora nacida en Madrid pero asentada xa hai tempo en Galicia, membro de AGPI (Asociación Galega de Profesionais da Ilustración). Pódese acceder ao seu blogue e coñecer algo máis da súa obra.

A biblioteca escolar, entendida como un espazo educativo pleno de oportunidades para a formación persoal e académica, pleno de posibilidades para a actuación docente; un lugar no que soñar e viaxar, un lugar presencial dende o que achegarse a mundos virtuais. Esa capacidade de estar presente no centro é a que facilita o achegamento de toda a comunidade educativa aos recursos, a que fai posible o encontro entre iguais pero tamén entre persoas distintas. Un lugar para o traballo, para o desenvolvemento desas competencias básicas indispensables para a vida persoal, académica e social. Un espazo, tamén, para a búsqueda e o achádego, para facerse preguntas e atopar respostas.

O USO RESPONSABLE DA AUGA

2010-10-12T10:10:00.000-07:00

Desde "Educación sen fronteiras" fannos chegar este fermoso vídeo sobre o uso da auga.

CANTANDO EN GALEGO... NA INDIA

2010-10-12T10:03:00.000-07:00

En Pubai-Orissa, nunha zona illada India, existe unha escola financiada por uns 280 veciños de Cangas a través da ONG Shanga. Pagan 6 euros ao mes, abondo para alimentar a un dos 500 cativos hindús no María Soliña de Asia.

Ademais de alimentalos, os nenos reciben toda a formación oficial que marcan as autoridades dese estado. Entre clases non podía faltar a música.

MARIO VARGAS LLOSA RECIBIU O PREMIO NOBEL

2010-10-07T10:25:00.000-07:00

O escritor peruano Mario Vargas Llosa dixo sentirse "moi conmovido e entusiasmado" despois de ser galardonado co Premio Nobel de Literatura 2010. "Este Nobel supón un recoñecemento á literatura de lingua española" expresou dende Nueva York onde está dando clases na universidade de Princenton.

EL QUIJOTE está ONLINE

2010-10-03T10:45:00.000-07:00

En youtube apareceu o vídeo de presentación no que calquera pode participar na lectura de El Quijote.
Calquera pode subir o seu vídeo a youtube e participar neste proxecto mediante a lectura de algún dos 2419 fragmentos nos que se dividiu a obra de Cervantes.
Tan só tes que entrar en youtube.com/elquijote e facer clic en "participar"

DECÁLOGO DA LECTURA

2010-09-27T08:35:00.000-07:00

No blog do CEIP de Andrade vimos esta presentación do Decálogo da lectura para as familias.
É moi interesante!!!
Grazas por compartila.

CONVOCATORIA PARA OS NOVOS COLABORADORES DA BIBLIOTECA

2010-09-18T04:26:00.000-07:00

Convocamos a todos os colaboradores da biblioteca para o curso 2010-2011 a unha reunión que terá lugar na biblioteca o día 23 de Setembro de 2010.

Non faltedes!!!

CAILLOU VAI Á BIBLIOTECA

2010-09-18T04:06:00.000-07:00

Grazas ao CEIP Victor Saenz de Mazaricos

CONVOCATORIA PARA ANTIGOS ALUMN@S COLABORADORES DA BIBLIOTECA

2010-09-13T08:42:00.000-07:00

O vindeiro 24 de Outubro conmemoramos o "Día da biblioteca", por este motivo gustaríanos organizar unha sesión de CONTACONTOS para os nenos e nenas do colexio en horario de tarde.
Estimaríamos a vosa colaboración para facer de contacontos.
Graciñas!!
Chamade ou pasade polo colexio.

COMEZA UN NOVO CURSO

2010-09-07T06:03:00.000-07:00

Benvid@s ao curso 2010-2011. Todos os libros da biblioteca están esperando para ver a todos os nenos e nenas por aquí.
Non faltedes!!!

OUTRO XOGO

2010-08-23T08:31:00.000-07:00

CONSTRUE RÚAS

Máis xogos en VEDOQUE

XOGO DE MECANOGRAFÍA

2010-08-22T11:57:00.000-07:00

"El avión mecanógrafo" é un xogo para practicar mecanografía. Ten 3 niveis. Tes que teclear as letras que aparecen nos avións e no globo.
Anímate!
Grazas ao blog de Vedoque.

Son un adict@... aos libros

2010-08-09T12:37:00.001-07:00

Grazas a Trafegando Ronseis por este video de animación á lectura.

PARA @S QUE VIAXAN...

2010-07-20T03:51:00.000-07:00

MAPAS INTERACTIVOS visto en BIBLIOTICS

Atoparás máis mapas se premes AQUÍ

NO VERÁN... A XOGAR

2010-07-15T01:16:00.001-07:00

Durante o verán aparte de ler un pouco e xogar na praia tamén hai tempo para botarlle unha ollada a estes xogos sobre todo cando vai mal tempo.

Para @s que vos gustan (ou non) as matemáticas, probade con estas MATEMÁTICAS DIVERTIDAS.

EL MUNDO DE BUBBA, para @s máis pequeniñ@s

A encantadora porquiña PEPPAPIG (está en inglés pero é moi divertida)

ABIERTO POR VACACIONES -actividades da Junta de Castilla y León.

PREME AQUÍ SE QUERES MÁIS ACTIVIDADES

PREGUNTAS DO CORAZÓN

2010-07-07T04:31:00.000-07:00

Grazas ao blog de "Trafegando ronseis" chega este delicioso video PREGUNTAS DO CORAZÓN:na biblioteca hai sempre un libro que nos contesta.

Preguntas:

Nena: O amor é para sempre?

Adolescente: Por que non podo facer amig@s?

Mozo: Como podo superar isto (quedar no paro)?

Parella maior: Como podemos encher o noso niño baleiro?

OBRADOIRO DE XOGUETES COA NATUREZA

2010-06-27T02:59:00.000-07:00

O día 21 de xuño visitounos no colexio Xosé Manuel García e ensinoulles aos nenos e nenas que con materiais que nos da a natureza (follas de castiñeiro, madeira,xuncos, follas de loureiro, espiñas, noces, millo…) pódense construir xoguetes que eran os que facían hai uns anos os nosos avós ( carrilanas, bonecas coas follas do millo, colares…)
Nesta ocasión todos os nenos e nenas do colexio aprenderon a construir uns barcos con xuncos e tamén foguetes e ademais pasáronno moi ben.

II EQUIPO DE COLABORADORAS

2010-06-24T04:57:00.000-07:00

Despedimos ao Equipo de colaboradoras da biblioteca.

Grazas a todas polo voso traballo e boa sorte para ANGELA RIVAS, ANA, MELANIE E TANIA de 6º que xa nos abandonan.

Queda o resto do equipo de 5º e vémonos o próximo curso.

Bo verán

Colaboradoras da bb

View more presentations or Upload your own.

Mirade que contentas están cos seus "diplomas".

HOMENAXE A JOSÉ SARAMAGO

2010-06-23T10:33:00.000-07:00

Un relato para nenos/as e para maiores, con debuxos animados, que se chama " A flor máis grande do mundo "