Recantos divertidos

Aos recantos de infantil chegou un tren. Con el traballouse a asociación número- cor-cantidade e iniciáronse na programación.

Tiñan que coller tantos bloques como número e cor indicaba o dado que tiraban. Ademáis, tiñan que colocar a peza axeitada para que o tren parase no lugar correspondente.

Coas formas e discos traslúcidos, deseñaron pezas do seu gusto (casas, peixes, formas xeométricas partindo de outras máis pequenas…).

Coa caixa de luz traballaron o teatro de sombras. Crearon unha historia establecendo diálogos entre os personaxes.

Por último, cos robots, traballaron o panel do inverno. Obxectivo era vestir a dous bonecos. Para acadalo, tiñan que moverse polo panel ata chegar a unha prenda de roupa típica do inverno. Ao chegar a ela dicían o seu nome, collíana e colocábanlla ao boneco.