"Da horta ao prato. Covasmola 2.0". Parte 1: Semente e recolleita

"Da horta ao prato. Covasmola 2.0" é a actividade de centro que pecha o curso. Nela, o alumnado vai a traballar todo o percorrido que fan os alimentos desde que se sementan na horta ata que chegan aos nosos pratos a través dunha receita.

A actividade divídese e tres grandes bloques:

1. Semente e recolleita.

2. Mercado de proximidade. 

3. Cociñado e degustación.

Parte 1. 

A Semente e recolleita foi a etapa máis longa deste proxecto. Os nenos e nenas do cole plantaron distintos alimentos (leitugas, apio, cenorias, ...) no horto do cole e coidárono ata que estivo listo para recoller a mesma semana do cociñado.

O proceso é lento pero apaixoante. Vimos e axudamos a medrar as plantas e a nacer os froitos. Aprendimos todo o proceso.

Primeiro sementamos no sementeiro e agardamos que as plantas brotasen. Despois trasladámolas ao horto e regámolas e coidámolas ata que puidemos recoller os froitos.