DE VISITA POLA BIBLIOTECA CO EQUIPO DE COLABORADORES

Dentro das actividades de formación de usuarios que estamos facendo na biblioteca, os nenos e nenas de 6º que forman parte do Equipo de Colaboradores presentan a biblioteca e as diferentes zonas.
IMOS DE VIAXE CON EL@S!!!

FOTOS DO DÍA DAS LETRAS GALEGAS 2009

Conmemoración do Día das Letras Galegas

DÍA DAS LETRAS GALEGAS-17 DE MAIO

RAMÓN PIÑEIRO

Para conmemorar este día xuntámonos na biblioteca e os nenos e nenas do cole leron contos, recitaron poemas , adiviñas... ademais entregamos a cada familia un exemplar do xornal "O charlatán de Covas" que elabora o Equipo de Normalización Lingüística do Colexio no que colaboramos tod@s.


Debuxo para a contraportada do xornal.Preme na imaxe.

MORREU MARIO BENEDETTI

Mario Benedetti o gran poeta morreo aos 88 anos en Montevideo.
Este é un recordo dos seus poemas (video do blog de Cervo)
Se queres ler máis poemas de Mario Benedetti, preme AQUÍ.

FOTOS DA SEMANA DA LECTURA-NÓS TAMÉN CONTAMOS

Celebramos a Semana da lectura no cole. Durante a hora de ler o colexio era un ir e vir de nenos e nenas polos corredores con papeis e libros nas mans cheos de poesías, adiviñas, contos... Con poucos nervos porque este é o segundo ano e nótase que non teñen "medo escénico" foi todo un éxito. Aquí tedes as fotos... e a disfrutar!!!

SEMANA DA LECTURA NO COLE

O día 23 de abril celébrase o "DIA MUNDIAL DO LIBRO E DEREITOS DE AUTOR".

Este día do ano 1616 morrían MIGUEL DE CERVANTES, WILLIAM SHAKESPEARE E O INCA GARCILASO.

Por este motivo esta data foi a elexida pola UNESCO para rendir unha homenaxe mundial ao libro e aos seus autores, e alentar a tod@s, en especial aos máis novos, a descubrir o placer da lectura.
O equipo da biblioteca propón a actividade "NÓS TAMÉN CONTAMOS" na que os nen@s irán a ler, recitar, contar, cantar, dramatizar... a outras clases do cole.
Esta é unha actividade que xa está sistematizada no noso colexio e que gusta moito tanto aos nen@s como ao profesorado .

(se queres saber máis de CERVANTES,SHAKESPEARE OU GARCILASO... PREME NOS SEUS NOMES)
XA VOS CONTAREI !!!!

Encontros dos centros do Plan de mellora de bibliotecas escolares 2008/2009

• Actualidade
• Bibliotecas escolares
• 2008/2009

Os vindeiros 16 e 17 de abril, en Santiago de Compostela (Escola Galega de Administración Püblica, EGAP), terán lugar os Encontros do Plan de mellora de bibliotecas escolares 2008/2009, nos que se reunirán integrantes dos equipos de biblioteca daqueles centros que están incluídos neste programa da Consellería de Educación no actual curso 2008/2009.

Esta actividade de formación está pensada como un espazo de encontro entre o profesorado responsable destas bibliotecas escolares, con tempos para a reflexión conxunta e o intercambio de experiencias e materiais sobre os aspectos básicos relacionados coa xestión, dinamización e visibilización destes imprescindibles recursos educativos. As achegas de expertos como Glòria Durban, Ana Bernal, Felipe Zayas, Concha Costas, César Iglesias, Encarnación López Chicano, Juana Vázquez ou Emilio Pascual, axudarán con toda seguridade aos profesionais das bibliotecas escolares a avanzar na súa formación, o que garante apoios decisivos para a mellora da calidade do ensino que se imparte nos centros. PROGRAMA