APRENDER A BUSCAR NA REDE

A nosas compañeiras de bibliotecas Olga e Charo fixeron esta preciosa presentación sobre aprender a buscar na rede.

Graciñas

ENTROIDO NO COLEXIO

Durante toda a semana celebramos o Entroido no colexio. O Meco dábanos as instrucións do que tiñamos que poñer cada día e había que facerlle caso. O venres comimos roscas, orellas e filloas feitas polas familias dos nenos e nenas. Despois de comer, xogamos e bailamos no patio. Estas son as fotos do noso Entroido.

NAVEGA CON RUMBO

O xoves día 7 tivemos unha charla para os nenos e nenas do 3º ciclo dentro do plan "Navega con rumbo". Este programa ten como obxectivo ensinar aos nenos e nenas a navegar seguros pola rede e facer un uso responsable das novas tecnoloxías. Dentro do programa hai guías dirixidas a pais/nais e profesores sobre a utilización de internet de forma segura e como axudarlles aos seus alumnos/as e fillos/as cando navegan pola rede. 

Para saber máis do plan NAVEGA CON RUMBO, preme  AQUÍ

XA VEN O ENTROIDO

 No colexio imos celebrar o Entroido co noso amigo o Meco que sempre nos sorprende para que veñamos con algunha indumentaria do máis estrana.

 "Chegou o Entroido ao cole

chegou o Meco tamén

sigue as súas instrucións

e pasaralo moi ben.

O luns para comezar

pecas na cara tes que pintar."

RECURSOS PARA O ENTROIDO da Coordinadora Galega de Equipos de Dinamización da lingua galega

 "O recanto de Mik" contén esta morea de recursos para o Entroido. 

Hai un pouco de todo:

Actividade lim sobre o Entroido galego:

 Grazas Julia por compartir.

CELEBRAMOS O DÍA DA PAZ E A NON VIOLENCIA

O día 30 de xaneiro celebramos no colexio o DIA DA PAZ E A NON VIOLENCIA. Comezamos o noso pequeno acto aportando un gran de area para que xunto con outros nenos/as poidamos encher o CONTENEDOR DE ILUSIÓN e mandar material escolar usado ou novo e axuda humanitaria á poboación máis vulnerable de NICARAGUA que, como di CELSO EMILIO FERREIRO (do que acabamos de celebrar o seu centenario) son os nosos "irmaus".
 Os nenos e nenas acompañados de música do poema IRMAUS introduciron o material no contenedor. A continuación todos xuntos dende 4º de Educación Infantil ata 6º de Primaria bailamos a danza da chuvia ZEMER ATIK (Israel), invocando unha "chuvia" de solucións e remedios que nos permitan vivir a todos e todas en PAZ.

FINA CASALDERREY NOMEADA ACADÉMICA DA RAG

A RAG (Real Academia Galega) acaba de elixir a Fina Casalderrey como académica numeraria. 

Con Fina entra na Academia unha muller (por méritos propios) pero tamén a literatura infantil e xuvenil.

CELEBRAMOS O DÍA DA PAZ

Día Escolar da Paz e a Non Violencia, que se celebra o 30 de xaneiro, data da morte de Gandhi (fai agora 65 anos).
 As bibliotecas escolares comezan a difundir as súas propostas, poñendo a disposición das súas comunidades educativas recursos variados e apoiando as iniciativas do centro para a educación en valores, que vén sendo o motivo de toda esta actividade.