UNHA PRIMAVERA DE POEMAS

UNHA PRIMAVERA DE POEMAS "Apadriña unha poesía" é unha actividade conxunta entre as bibliotecas escolares da zona da Mariña. Participan tanto colexios de infantil e primaria como centros de secundaria de Burela, Cervo, Xove e os centros de Viveiro.
As familias participaron escribindo as poesías favoritas e elaborando traballos plásticos realmente impresionantes e creativos.
Damos as gracias ás familias pola elevada participación e a orixinalidade dos traballos.
Ata o próximo 8 de maio os traballos estarán expostos no colexio e despois haberá unha exposición conxunta no concello de Viveiro.

TOD@S AO TEATRO!

Este é o título do monográfico que estamos a traballar no colexio durante o segundo e terceiro trimestre.
Cada clase está preparando algún espectáculo teatral: obras de teatro, cancións, dramatizacións, recitados... para facer a gran semana do teatro no colexio.
Todos os alumnos/as colorearon un marcapáxinas que tamén é unha entrada que entregarán para  entrar nos espectáculos programados.

RECURSOS PARA O DÍA DAS LETRAS GALEGAS

O CEIP Plurilingüe San Xoán de Filgueira de Ferrol elaborou este Lim sobre Roberto Vidal Bolaño. Moitas grazas por compartilo con nós.

A coordinadora galega de equipos de normalización e dinamización lingüística pon á nosa dispor recursos para traballar a ROBERTO VIDAL BOLAÑO.

Preme na imaxe

O Seminario Galán ofrécenos recursos para traballar a ROBERTO VIDAL BOLAÑO, autor homenaxeado este ano no Día das Letras Galegas.
Bota unha ollada ás actividades en liña.
SEMINARIO GALÁN 

Actividade recollida no Repositorio do ESPAZO ABALAR.

Xogo sobre a vida e obra de Roberto Vidal Bolaño feito por Xosé Antón Vicente Rodríguez.

DÍA INTERNACIONAL DO LIBRO E OS DEREITOS DE AUTOR

Conmemoramos o Día Internacional do Libro cunha sesión de contacontos na que os nenos e nenas de 3º,4º,5º e 6º de Primaria foron ata as clases de Infantil e o 1º Ciclo para lerlles un conto.
Os nenos e nenas do 2º e 3º Ciclo están traballando nun obradoiro de creación de libros e cada un está a facer un libro que lles entregarán aos nenos e nenas máis pequenos do colexio.

 No Día do Libro conmemórase a data da morte de Miguel de Cervantes e William Shakespeare en 1616.

Os alumnos/as de 6º de Primaria estiveron traballando na clase de inglés sobre William Shakespeare.

Todos os nenos/as están completando os seus pases ao LIBERESPAZO.

ANXO MOURE E O SEU CARBALLO CON BOTAS

Tivemos a visita de Anxo Moure, autor dos "Contos na casa das árbores" e narrador de historias. Falounos dos contos de "O carballo con botas", unha morea de  historias que nos ensinan a respectar a natureza, as árbores, non tirar lixo, respectar ao animais, reciclar...
Con música, disfraces e cancións, todos os nenos e nenas participaron con Anxo.
Despois foise coa súa  Ecobicicleta a outros colexios para contarlles máis historias.
Unha visita que nos encantou tanto aos nenos e nenas como ao profesorado.
Se queres saber máis sobre Anxo Moure, preme na ciclobiblioteca

DIA INTERNACIONAL DO LIBRO INFANTIL

O día 2 de abril celebramos o Día Internacional do Libro Infantil.
Como este curso estamos adicando o proxecto monográfico ao Teatro, os nenos e nenas decoraron un marcapáxinas con forma de entrada, próximamente veremos os resultados.
Os nenos e nenas do colexio escribiron acerca dos libros que leron , e esas son as súas impresións.