Inaugurada a exposición "Historia e cultura do Pobo Xitano"

8 de abril, Día Internacional do Pobo Xitano, a Bibliocovas vístese de gala sempre pola inclusión.

A Bibliocovas, da man da coordinadora de Escolarización da poboación marxinal da Xefatura Territorial de Educación de Lugo, xunto coa Asociación de Enseñantes con Gitanos, a Asociación de promoción e Integración Gitana de Lugo e a Fundación Secretariado Gitano, organizo esta exposición que leva por título "Historia e cultura do pobo xitano" co obxectivo de achegar e difundir a cultura xitana entre a comunidade educativa.

Desde a Bibliocovas estamos a dedicar este mes de abril, o mes dos libros, ás familias e sentimos a necesidade de darlle un espazo ás familias xitanas que forman parte da nosa comunidade e que mellor día que o seu, o Día Internacional do Pobo Xitano. 

Hoxe na súa inauguración estivemos acompañados por Servizos Sociais e representantes do Concello, Inspección  Educativa, traballadora social do consorcio galego de igualde e benestar da Xunta de Galicia, directores e compañeiros doutros centros, e como non das nosas familias xitanas e antigos alumnos que fixeron deste día unha festa da tolerancia e a diversidade. Sentimos de corazón as palabras do seu pastor cheas de orgullo, respecto e responsabilidade como transmisores dunha cultura milenaria.

A todos e todas GRAZAS!!!! Foi todo un desafío para nós que fixéchedes posible pola vosa entrega.

Aquí deixamos algúns momentos que deixarán semente...

A exposición tamén conta con audios explicativos de cada un dos paneis que se poden escoitar nesta tablet así como como con enquisas para os visitantes.

III Ruta Divercovasmola en familia

O vindeiro venres 22 de marzo celebraremos a III Ruta Divercovasmola en familia dentro do programa Lectura e Familias.

Realizaremos duas rutas, unha para o alumnado e familias de educación primaria e outra para as de educación infantil pola inclusión e a diversidade. Para rematar faremos unha merenda familiar no parque Pernas Peón.

Non é preciso apuntarse, só debedes estar un pouquiño antes das 10:00h no cole.

CONTAMOS CON VÓS!!!!

Día Internacional da Educación con Vilma

Onte, o alumnado de 3º de Educación Primaria, tivo unha actividade do máis especial. Veu VILMA, unha cadela de ASPANANE que serviu como apoio educativo para a aprendizaxe da  Lingua de signos. Foi unha actividade marabillosa coa que celebramos o Día Internacional da Educación.

3 de DECEMBRO, DÍA INTERNACIONAL DAS PERSOAS CON DIVERSIDADE FUNCIONAL CON ASPANANE

Millóns de grazas aos usuarios de Aspanane por darnos a oportunidade de coñecer os seus talentos nun día de convivencia e xogo co noso alumnado nos contextos de aprendizaxe.

Contexto humanístico

Contexto matemático

Contexto científico

Contexto lingüístico

Trouxéronos un agasallo que eles mesmos fixeron e colocárono no lugar que eles elixiron, un lugar moi especial para o noso cole, o cadro onde está o debuxo orixinal do noso COVASMOLA

O noso alumnado está a traballar con esta marabillosa lectura