Pasando a bola, xogando para cambia

"Pasando a bola, xogando para cambiar" é unha actividade teatralizada realizada polo grupo a Xanela do Maxín en colaboración coa Consellería de educación. Os nenos e nenas de 3º a 6º de educación primaria representaron diferentes situación de acoso escolar participando nas solucións e prevención das mesmas.

A continuación traballaron sobre os dereitos da infancia 😍😍😍😍😍😍

O PAÍS DOS MANDÓNS ( Teatro Ghazafelhos)

      O País dos Mandóns foi a obra de teatro escollida polas ANPAS dos colexios de Celeiro, Landro e Covas para seguir afondando no tema da igualdade.

Fumos todo o cole e pasámolo  xenial

Añadir leyenda

CONTOS DO RECREO NO TEATRO PASTOR DÍAZ

O alumnado de 2º e 3º de primaria foron ao teatro Pastor Díaz para ver a obra de Redrum Teatro "Contos do recreo", un espectáculo visual e musical que ten como base o acoso escolar.
A posta en escena foi moi bonita mezclando personaxes reais con monicreques.

DÍA DA BIBLIOTECA, REPRESENTACIÓN DO CONTO MARILUZ AVESTRUZ

O Día da Biblioteca un grupo de profesores/as do centro representamos o conto Mariluz avestruz.
Unha historia na que a colaboración dos animais é fundamental para axudar a Mariluz e a súa imprudencia.
Os nenos e nenas estiveron moi atentos ao que acontecía no escenario e gustoulles moito.
Que mellor maneira de conmemorar este día que facendo teatro na biblioteca?

Aquí están as fotos.

Mariluz avestruz_Día da biblioteca


Se queredes ver o video premede AQUÍ 

DIA DA BIBLIOTECA

O 24 de outubro celebramos o Día da Biblioteca. Este día presentamos a todos os nenos, nenas e profesorado a nosa mascota "real", Lolo.
Lolo apareceu no escenario e todos os alumnos/as déronlle a benvida. Tamén saiu con Brais o neno que o creou cando estaba en 1º de Educación Primaria (agora está en 5ª).
Lolo agradeceu o esforzo dos nenos e nenas polos traballos presentados na actividade "Que é para ti ler?" e presentou o conto que dramatizaron profesores/as do colexio "Corre, corre cabaciña".
Pasamos un día estupendo!

Que é para ti ler? from Bibliocovas on Vimeo.

E PARA REMATAR... FESTIVAL!

Para rematar o curso 2016-2017 celebramos un festival coas actuacións por parte dos alumnos e alumnas de todo o centro. Os nenos e nenas nerviosos por actuar diante das familias puxeron toda a súa ilusión e gañas. Os nenos e nenas de 3 anos fixeron un baile coa canción Xuntos de Juan Pardo, os de 4 anos fixéronnos bailar ao ritmo de Grease. Cun clásico These boots are make for walking bailaron os alumnos/as de 5 anos.

En 1º de primaria elaboraron un mosaico ao ritmo da música que nos fascinou, a obra de teatro de 2º fíxonos pasar un bo rato e viñeron os rapeiros de 3º co seu hip hop que puxeron ao público a bailar.

Os nenos e nenas de 4º bailaron moi conxuntados a canción O sacristán de Coimbra. Os nenos e nenas de 5º de primaria teñen moita experiencia bailando hip hop e bailes modernos, a obra de teatro dos nenos e nenas de 6º foi sobre a Galiña Azul de Carlos Casares e por último todos os nenos e nenas do centro bailamos unha canción en inglés Tooty ta poñendo fin ao festival.

A comunidade educativa do CEIP Plurilingüe de Covas deséxavos un bo verán!

FESTIVAL FIN DE CURSO 1 from Bibliocovas on Vimeo.

FESTIVAL FIN DE CURSO 2 from Bibliocovas on Vimeo.

FESTIVAL FIN DE CURSO 3 from Bibliocovas on Vimeo.

FESTA DE NADAL

Celebramos o Nadal cunha exposición de postais feitas polos nenos/as do cole. Tamén puxemos o Belén e  tivemos a visita de residentes de Geriatros que dramatizaron a historia do Apalpador.
O día 21 recibimos a Papá Noel e a un Rei Mago e os nenos e nenas entregaron as cartas nas que pedían agasallos para as clases.
Actuaron os nenos e nenas de 4º cunha panxoliña moi bonita, o alumnado de 6º dramatizou a obra de teatro "A outra historia de Carapuchiña" e para rematar os nenos e nenas de 5º e 6º cantaron a canción "All you need is love" co acompañamiento do auxiliar de conversa, Ethan.

nadal16 from Bibliocovas on Vimeo.

Nadal-2016 from Bibliocovas on Vimeo.

FIN DE CURSO

DÍA DAS LETRAS GALEGAS

Para celebrar o Día das Letras Galegas os nenos e nenas de 6º escenificaron unha obra relacionada coas Matemáticas. A obra titúlase "A matemática historia de Cadrado e Circuliña" e  fixéronnos disfrutar con esta historia chea de Matemáticas.

DÍA INTERNACIONAL DO LIBRO- ACTUACIÓN DO CURSO 4º DE PRIMARIA

A sorpresa déronnola os nenos e nenas de 4º curso que, por grupos, foron polas aulas e representaron unha pequena obra de teatro sobre unha nena tirando un plátano ao chan, un condutor que aparca mal o seu coche e un policía...
Fixéronno moi ben... temos auténticos actores e actrices no colexio!

TIVEMOS TEATRO NA BIBLIOTECA

Comezamos o curso coa visita de LEDA TEATRO que representou a obra "A súa vida". Un espectáculo que divirtiu moito aos rapaces e rapazas de primaria. Os dous actores tiveron aos nenos/as abraiados dende o principio coa historia dun neno e unha nena dende que eran bebés ata a súa vellez. Aquí tedes as fotos.

teatro - diapositivas

TOD@S AO TEATRO!

Este é o título do monográfico que estamos a traballar no colexio durante o segundo e terceiro trimestre.
Cada clase está preparando algún espectáculo teatral: obras de teatro, cancións, dramatizacións, recitados... para facer a gran semana do teatro no colexio.
Todos os alumnos/as colorearon un marcapáxinas que tamén é unha entrada que entregarán para  entrar nos espectáculos programados.

Contacontos "Os quinquilláns"

Tivemos a visita do grupo de teatro "Os quinquilláns" que nos presentaron a obra "Merlín". Entusiamaron a todos os nenos e nenas dende 1º ata 6º de Primaria (e ás proferoras tamén).

UN DÍA NO TEATRO

Infantil e o primeiro ciclo foron ao teatro Pastor Díaz para ver un espectáculo de títeres titulado "TITIRICIRCUS". Pasáronno moi ben e ata Iris (de 1º) actuou na obra.

GÚSTANOS O TEATRO

Os nenos e nenas do 1º Ciclo e de Infantil foron ao teatro Pastor Díaz. Os de 1º ciclo viron a obra "Cacarabín, cacarabón" e os de Infantil "Bajo mi cama una estrella".
Que teatreiros sodes!

O CONTO TOLO, TOLO, TOLO...

Os nenos e nenas de 6º representaron un conto un tanto especial, xuntamos a dùas Carapuchiñas que non se levaban moi ben, apareceu Spiderman e a madrastra de Brancaneves que quería darlle a merenda... enfín... un conto moi tolo co que disfrutamos no colexio.

CELEBRAMOS O ÚLTIMO DÍA DO TRIMESTRE

O día 22 celebramos o último día do trimestre recibindo aos Reis Magos na biblioteca e todos os nenos e nenas tiveron un agasallo.
Despois os nen@s de 6º escenificaron unha obra de teatro moi, moi divertida " O conto tolo, tolo, tolo". Todos no colexio disfrutaron desta festa.
Para ver as fotos teredes que esperar un pouquiño.
Ata o ano que ben!

INFANTIL FOI AO TEATRO

O pasado xoves, os de infantil de 4 e 5 anos foron ao teatro Pastor Díaz para ver a actuación do MAGO PACO.
Pasárono estupendamente e como son moi listos descubriron casi todos os trucos do mago.

NADARÍN

Para celebrar o "Día da Biblioteca" un grupo de nen@s de 5º de Primaria puxeron en escena unha adaptación do libro "Nadarín" de Leo Lionni con títeres feitos con cartolina.
Tivo lugar na "Hora de ler" e asistiron todos os nenos e nenas do colexio que disfrutaron moito.

DE EXCURSIÓN AO TEATRO CON INFANTIL

O venres 5 fumos ao teatro os nen@s de Infantil (4 e 5 anos) ver a obra de títeres "Rosalía, unha pulga que escribía" representada por Galitoon.
Gustounos moito porque os títeres eran moi bonitos e a historia estivo moi ben.