22/2/19

DÍA DE ROSALÍA

O vindeiro 24 de febreiro celébrase o Día de Rosalía co fin de homenaxear o nacemento da figura máis relevante da literatura galega no seu 182º aniversario (Rosalía de Castro, 1837-1885).

Deseguido recollemos algúns dos eventos e dos recursos que se están a promover estes días para difundir a celebración:

Asociación de Escritoras e Escritores en Lingua Galega
Bibliotecas escolares
Casa-museo Rosalía de Castro
Territorio das Mulleres: Semana de Rosalía en Compostela

Entrevista feita polo alumnado de 5º de primaria dentro do proxecto Radio na Biblio a unha "Rosalía" moi especial interpretada por Nelson.
Agradecemos a colaboración de Madison, a nosa auxiliar de conversa, recitando marabillosamente estes versos de Rosalía.

13/2/19

HOXE É O DÍA MUNDIAL DA RADIO

Hoxe día 13 de febreiro celebramos o DÍA MUNDIAL DA RADIO.
Dende a páxina de Ponte nas ondas Escolas nas ondas) podemos ver e escoitar todos os podcasts enviados polos diferentes centros educativos.

 


Poderás escoitar o Programa sobre os Dereitos Humanos que gravaron os nenos e nenas de 5º.

12/2/19

RADIO NA BIBLIO

CANTARES DE CEGO

Este programa foi realizado dentro das actividades do PDI da biblioteca DESCUBRINDO VIVEIRO.

CANTARES DE CEGO







ENTREVISTA A ROSALÍA DE CASTRO

 Entrevista feita polo alumnado de 5º de primaria dentro do proxecto Radio na Biblio a unha "Rosalía" moi especial interpretada por Nelson.
Agradecemos a colaboración de Madison, a nosa auxiliar de conversa, recitando marabillosamente estes versos de Rosalía.








 ENTREVISTA Á DIRECTORA E REXEDORA DA COMPAÑÍA DE ÓPERA DIAMANTE

O proxecto LÓVA (La Ópera como Vehículo de Aprendizaje) estase a desenvolver no noso colexio na clase de 4º de primaria.
Os nenos e nenas de 5º a través da nosa radio (RadioCovas) fan unha entrevista á directora e rexedora da Compañia de ópera Diamante.
Non perdades palabra porque é unha entrevista moi interesante.







 OBRADOIRO DE RADIO A CARGO DE LUIS PARDO
"O MICRO NON MORDE"

 O venres os nenos e nenas de 5º de primaria asistiron a un obradoiro de Radio na biblio a cargo de Luis Pardo titulado "O micro non morde".
 Luis Pardo é xornalista e traballa na radio ( SER) e contoulles como se traballa na radio. Primeiro explicoulles os 4 puntos fundamentais para traballar nunha radio: a voz, o sons, a música e o silencio.
Despois traballaron nestes catro elementos: a voz con diferentes intensidades e en distintas situacións (evento deportivo, musical, entrevista, noticias do cole, novas musicais...).
Escoitamos unha gravación de "El gran apagón" no que os sons e os silencios forman parte importantísima para expresar medo, angustia, soidade...
Luis contounos anécdotas do seu traballo e ao final visionamos un video sobre unha entrevista a Antonio Banderas.
Os nenos e nenas aprenderon moito con este gran profesional.


Obradoiro de radio-Luis Pardo



 


 A propósito... xa temos LOGO e nome para a nosa RAdio na biblio.

O nome é ..............Radio Covas
O logo................. a vindeira semana!!





DÍA MUNDIAL DA RADIO

Este é o primeiro programa de Radio Na Biblio no que imos conmemorar o
 DIA MUNDIAL DA RADIO o vindeiro 13 de febreiro.




O eslogan deste ano é DIÁLOGO, TOLERANCIA E PAZ e elaboramos un programa sobre os DEREITOS HUMANOS que enviamos a PONTE NAS ONDAS.

Programa sobre os Dereitos Humanos


No ano 2013 a ONU aprobou a proclamación da UNESCO do Día Mundial da Radio. Proponse a data do 13 de febreiro por ser a da creación de Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a coperación internacional entre os organismos de radiodifusión." Este ano celébrase co lema: "Diálogo, tolerancia e paz" e o poder da radio para promover o entendemento e as cominidades poderosas. Convocan un concurso para participar cunha producción sonora de dous minutos arredor do tema deste ano. Animamos a que participen os 50 centros que forman parte do programa de Radio na biblio e todos aqueles que contan cunha emisora de radio. É un bo momento para difundir as experiencias que promoven o traballo colaborativo en ambientes de tolerancia, respecto e integración.

3/2/19

CELEBRAMOS O DÍA DA PAZ

O pasado 30 de xaneiro celebramos no colexio o Día da Paz e a Tolerancia. Os nenos e nenas do centro cos pais e nais como público bailaron ao son da música de Mamá Cabra coa canción do Día da paz e  coreografía de alumnas de 6º.
Tamén cantamos a canción de John Lennon "Imagine" con linguaxe de signos e os nenos e nenas de infantil fixeron debuxos alusivos á  paz, tolerancia, unidade e respecto a todas as razas e cores.
Finalizamos o acto co recital de poesías sobre a paz a cargo do alumnado de 5º e 6º de primaria. Ademais nas clases realizaron posters sobre a paz que se colocaron en diferentes lugares do pobo de Covas e os nenos/as de infantil elaboraron viseiras de cartolina para conmemorar este día.

IMAGINE- LINGUAXE DE SIGNOS from bibliocovas on Vimeo.