DÍA DA MULLER TRABALLADORA- ACTIVIDADE DAS FAMILIAS

 TEMOS MOITO QUE CHUFAR ÁS NOSAS MULLERES

Esta vez tócanos a nós o cometido de CHUFAR ás mulleres da nosa familia. Escribímoslles cousas bonitas á nosa nai, avoa, bisavoa, tía, madriña... por que elas valen moito.

Sempre nos chufaron a nós (Que guap@ é o meu net@! É o máis estudios@!...)e imos facerlles unha homenaxe con eloxios para elas.

Ademais temos na biblioteca unha exposición de libros escritos/ilustrados por mulleres.

AS FAMILIAS TAMÉN CONTAN

Todos os xoves, na hora de ler, as familias do alumnado de Educación Infantil, sorpréndenos cun conto.
Os nenos e nenas de cada aula esperan entusiasmados que os pais, nais, irmáns... conten o conto que traen preparado da casa.
Con esta actividade non so favorecemos a relación familia-escola, senón que fomentamos o interés e o placer pola lectura dos máis pequenos.

As familias tamén contan

EXPOSICIÓN DE CABAZAS

EXPOSICION CABAZAS_HALLOWEEN from Bibliocovas on Vimeo.
Para celebrar o Halloween fixemos unha exposición de cabazas decoradas polas familias do centro. Trouxeron unhas 115 cabazas cada unha máis sorprendente e orixinal. Os nenos e nenas axudados polas familias traballaron con toda clase de materiais dende teas ata culleres de plástico pasando por follas, froitos , xoguetes, roupa...

O CEIP Plurilingüe de Covas da as grazas a todas as familias polos traballos tan bonitos, creativos e terroríficos.

OLLOS DE AULA- Revista para as familias do alumnado

A Coordinadora Galega de Equipos de Normalización e Dinamización Lingüística presenta o Nº 10 da súa revista "OLLOS DE AULA". Este número está adicado ao Acoso escolar.

AS MOCHILAS VIAXEIRAS XA ESTÁN EN MARCHA

mochilas - presentacion imagenes