Letras Galegas 2024

Para conmemorar o Día das Letras Galegas, o alumnado de 1º de Educación Primaria entrevistou a Xiana Naval. Ademais de ser exalumna deste colexio, acaba de converterse na actual presidenta do Colectivo Pensamento e Sementeira de Viveiro. Grazas a esta entrevista, o alumnado puido coñecer máis en profundidade o labor desta asociación que aposta pola cultura galega.

Preme no logo para escoitar o programa....

Polas Letras Galegas 2024 fixemos na nosa 3D uns mapas de Galicia conmemorando a data.

Tale bot

8M, entrevista a Nuria Lestegás na Radiocovas

O alumnado de 5° de Educación Primaria escolleu a Nuria Lestegás, muller mariñana pertencente ao elenco da galardoada " O corno", como figura referente neste día.

Preme para escoitar a entrevista...

Día Mundial da Radio na Radiocovas

Os nenos e nenas do 1º ciclo de Educación Primaria realizaron un programa especial sobre o Antigo Exipto no contexto lingüístico para conmemorar o Día Mundial da Radio.

PREME NA IMAXE E ESCOITA ...

A Radiocovas en outono

O alumnado de 5º de Educación primaria elaborou un programa con ditos adiviñas, refráns e proverbios do outono logo de investigar no contexto linguístico.

PREME NA IMAXE E ESCOITA ...

Radiocovas inaugura o curso 23-24

Logo de facer unha formación con Ponte Nas Ondas, o alumnado de 5º de Educación estrea tempada coa colaboración de Damián que tanto nos ensinou.

PREME PARA ESCOITAR O PROGRAMA ...

Formación da Radiocovas con Ponte nas Ondas

Inauguramos o curso coa formación de Ponte nas ondas para o alumnado de 5º de Educación Primaria.

PREME NA IMAXE 

Día Internacional contra o Acoso Escolar

 Hoxe celebramos o Día Internacional contra o Acoso Escolar e desde Radio Covas quixemos entrevistar a Andrea Bechlian, psicóloga especialista en psicoloxía educativa, asesoramento familiar, disciplina positiva e educación emocional.

Aquí vos deixamos o resultado!!!!!

DÍA DAS LETRAS GALEGAS:PROGRAMA DENDE O CONFINAMENTO- A VIAXE DO PRINCIPIÑO

Este é un programa moi especial xa que o fixemos algúns profesor@s do colexio a raíz dun Obradoiro de formación de Radio  coa colaboración de Laboratorio de Radio.

Deste obradoiro e dende o confinamento saliu este programa A VIAXE DO PRINCIPIÑO.

Unha viaxe polos diferentes planetas que xurden do confinamento da man de entrevistas a profes e nen@s do colexio.

Escoitade! 
ESTA VIAXE VAI ADICADA AOS NENOS E NENAS DO COLE!

NOVO PROGRAMA DE RADIOCOVAS SOBRE O NADAL

Dentro do proxecto da biblioteca COIDAMOS DE NÓS E DO NOSO PLANETA DENDE A BIBLIOTECA, estamos a traballar a COMIDA SAUDABLE.

Os alumnos e alumnas de 6º traballaron este tema e fixeron un programa especial no que pediron axuda aos AVÓS E AVOAS para facerlles unha ENTREVISTA sobre COMO CELEBRÁBADES O NADAL CANDO ERADES PEQUENOS COMA NÓS?.
Ademais tivemos o enorme pracer de recibir a varios avós/avoas na nosa biblioteca e facer as entrevistas en DIRECTO.
Pero o traballo non rematou aí, o alumnado de 6º dividido en equipos fixeron unha presentación da celebración e comidas de Nadal en diferentes países (Xapón, Brasil, Italia, Estados Unidos, China e Rusia).
Mirade as fotos do evento e en pouco tempo teremos o podcast e os videos.

Moitas grazas aos avós/as de: Ariadna, Ana e María.
Tamén agradecemos a colaboración a través de entrevista gravada as avoas de Aldara e Marina.


OS AVÓS/AS EN RADIOCOVAS from Radio Covas on Vimeo.

PRESENTACIÓN DE RADIOCOVAS, A EMISORA DE RADIO DO COLE

O día 19 de xuño presentamos a nosa radio chamada RADIOCOVAS.
Os nenos e nenas de 5º fixeron o programa que se gravou en directo na biblioteca ante un público formado por todo o alumnado e profesorado do colexio.
O programa tiña como obxectivo a presentación oficial da emisora de radio.
Queriamos que fora un día moi especial e decidimos facer un programa en directo con entrevistas, presentacións, recitado de poemas, cancións... e algunha que outra sorpresa como o visionado dun video con tomas falsas das gravacións dos diferentes programas de radio.
Montamos a emisora no medio da biblioteca con dúas mesas, mesa de mezclas, ordenador, micrófonos, auriculares, megafonía e un micrófono de pé para os "invitados ao programa".
Hugo de 6º deseñou o logo de RADIOCOVAS, Jonatan falou dos últimos días no cole dos nenos e nenas de 6º, Uxía Pena explicou en que consisten os Patios Dinámicos, falaron do proxecto LÓVA, María de 5 anos recitou o poema "Parece unha rosa" de Rosalía de Castro e todos xuntos cantamos "Catro vellos mariñeiros" canción emblemática do noso pobo, Viveiro.

radiocovas

RadioCovas (parte I) from bibliocovas on Vimeo.

RadioCovas (parte II) from Radio Covas on Vimeo.