23/12/10

CELEBRAMOS O ÚLTIMO DÍA DO TRIMESTRE

O día 22 celebramos o último día do trimestre recibindo aos Reis Magos na biblioteca e todos os nenos e nenas tiveron un agasallo.
Despois os nen@s de 6º escenificaron unha obra de teatro moi, moi divertida " O conto tolo, tolo, tolo". Todos no colexio disfrutaron desta festa.
Para ver as fotos teredes que esperar un pouquiño.
Ata o ano que ben!

18/12/10

NORABOA AO CEIP DE CERVO

O CEIP de CERVO recibiu o 2º premio do MEC de Boas prácticas de bibliotecas escolares 2010.

Dende o CEIP de Covas dámoslles a nosa noraboa por ese premio e polo gran traballo que fan dende a biblioteca.
Se queres botarlle unha ollada a bibliocervo, preme na imaxe.


10/12/10

RECURSOS PARA O NADAL


A Coordinadora Galega de ENDL vén de poñer á disposición da comunidade educativa unha páxina web dedicada ao Nadal.

1.- Postais elaboradas polo alumnado
Este espazo acolle felicitacións feitas polo alumnado e permite que calquera usuario envíe algúns destes traballos para felicitar o Nadal e o Aninovo a través da rede. O prazo de recepción de postais continuará aberto ata o 17 de decembro (vid. instrucións no documento anexo). Así mesmo, contén modelos de cartas para enviar aos Reis Magos e ao Apalpador.

Enderezo:


2.- Recursos para traballar nas aulas
Escolma de recursos sobre o Nadal elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, o refraneiro, etc.

30/11/10

O APALPADOR VEN PARA O NADAL

O Apalpador ou Apalpabarrigas baixa das montañas do Caurel todos os anos polo Nadal.

Se queres saber máis sobre este personaxe, preme na imaxe.

Webquest sobre O APALPADOR feita polo CEIP de Friáns- Teis de Vigo.

A ver o que aprendiches sobre o Apalpador. Fai este cuestionario que nos manda o Recanto do Mik.

26/11/10

O conto de Raquel

Raquel de 5 anos escribiu un fermoso conto dun verme e unha castaña e tamén dunha árbore.
Grazas Raquel


23/11/10

INFANTIL FOI AO TEATRO

O pasado xoves, os de infantil de 4 e 5 anos foron ao teatro Pastor Díaz para ver a actuación do MAGO PACO.
Pasárono estupendamente e como son moi listos descubriron casi todos os trucos do mago.




19/11/10

A CASTAÑA E O VERME

IRIA , unha nena de Infantil de 4 anos , escribiu este conto polo Magosto xunto cos seus compañeir@s de clase.
Grazas Iria por compartir o teu traballo con nós.


12/11/10

MAGOSTO NO COLE

Para ver como celebramos o Magosto, preme na foto.

3/11/10

OS NEN@S RECOMENDAN...


Lorena de 6º levou a mochila viaxeira e quixo deixarnos este comentario sobre un libro da mochila.
"O libro que máis me gustou foi O PEQUENO HOPLITA de Arturo Pérez-Reverte.

Gustoume sobre todo a valentía dos homes e do neno. Eles defendían o seu e tamén loitaban pola liberdade da súa familia e nunca se rendían".

Non deixedes de ler este libro que vos gustará.




28/10/10

MÁIS SAMAÍN


LIM colaborativo atopado en Casa de tol@s.

27/10/10

NADARÍN

Para celebrar o "Día da Biblioteca" un grupo de nen@s de 5º de Primaria puxeron en escena unha adaptación do libro "Nadarín" de Leo Lionni con títeres feitos con cartolina.
Tivo lugar na "Hora de ler" e asistiron todos os nenos e nenas do colexio que disfrutaron moito.


23/10/10

ACTUACIÓN DUN GRUPO DE EX-COLABORADOR@S DA BIBLIOTECA

Para conmemorar o "Día da biblioteca" visitounos un grupo de ex-colaborador@s que traballaron na biblioteca hai dous cursos.
Rocío Carreja,Clara,Sarai,Nuria Lago e Rubén Franco estiveron no colexio o venres pola tarde e fixeron as delicias dos nenos e nenas e tamén dalgún pai e nai que viñeron ver a actuación.
Escenificaron con títeres (feitos por Clara) o libro "Tres desexos".
Graciñas a tod@s!!





22/10/10

XA SAÍRON AS MOCHILAS VIAXEIRAS



O mércores saíron as catro mochilas deste curso. Este ano temos unha mochila para cada ciclo.
Felices lecturas para toda a familia!

14/10/10

O SAMAÍN

Dende o blog da biblioteca do CEIP Víctor Sáenz de Mazaricos chegan esta morea de recursos para celebrar o Samaín. Hai de todo:cancións, videos, xogos, libros...
Vai ser un Samaín... de medo!
Graciñas dende Covas.

OUTUBRO, MES DAS BIBLIOTECAS

"Biblioteca escolar: un mundo de oportunidades"

Seguindo a dinámica iniciada en 2008, a Consellería de Educación difunde un cartel a comezos de outubro (que chegará aos centros nestes días), co fin de lembrar as posibilidades da biblioteca escolar, e apoiar a visibilidade do traballo que o profesorado dos centros vén realizando para facer útiles estes importantes recursos educativos. Manuel Lariño e Miguelanxo Prado puxeran imaxe aos carteis anteriores. Nesta ocasión é Marina Seoane quen aceptou o reto de ilustrar o lema proposto, unha ilustradora nacida en Madrid pero asentada xa hai tempo en Galicia, membro de AGPI (Asociación Galega de Profesionais da Ilustración). Pódese acceder ao seu blogue e coñecer algo máis da súa obra.

A biblioteca escolar, entendida como un espazo educativo pleno de oportunidades para a formación persoal e académica, pleno de posibilidades para a actuación docente; un lugar no que soñar e viaxar, un lugar presencial dende o que achegarse a mundos virtuais. Esa capacidade de estar presente no centro é a que facilita o achegamento de toda a comunidade educativa aos recursos, a que fai posible o encontro entre iguais pero tamén entre persoas distintas. Un lugar para o traballo, para o desenvolvemento desas competencias básicas indispensables para a vida persoal, académica e social. Un espazo, tamén, para a búsqueda e o achádego, para facerse preguntas e atopar respostas.

12/10/10

O USO RESPONSABLE DA AUGA


Desde "Educación sen fronteiras" fannos chegar este fermoso vídeo sobre o uso da auga.

CANTANDO EN GALEGO... NA INDIA



En Pubai-Orissa, nunha zona illada India, existe unha escola financiada por uns 280 veciños de Cangas a través da ONG Shanga. Pagan 6 euros ao mes, abondo para alimentar a un dos 500 cativos hindús no María Soliña de Asia.

Ademais de alimentalos, os nenos reciben toda a formación oficial que marcan as autoridades dese estado. Entre clases non podía faltar a música.

7/10/10

MARIO VARGAS LLOSA RECIBIU O PREMIO NOBEL


O escritor peruano Mario Vargas Llosa dixo sentirse "moi conmovido e entusiasmado" despois de ser galardonado co Premio Nobel de Literatura 2010. "Este Nobel supón un recoñecemento á literatura de lingua española" expresou dende Nueva York onde está dando clases na universidade de Princenton.

3/10/10

EL QUIJOTE está ONLINE


En youtube apareceu o vídeo de presentación no que calquera pode participar na lectura de El Quijote.
Calquera pode subir o seu vídeo a youtube e participar neste proxecto mediante a lectura de algún dos 2419 fragmentos nos que se dividiu a obra de Cervantes.
Tan só tes que entrar en youtube.com/elquijote e facer clic en "participar"

27/9/10

DECÁLOGO DA LECTURA

No blog do CEIP de Andrade vimos esta presentación do Decálogo da lectura para as familias.
É moi interesante!!!
Grazas por compartila.

18/9/10

CONVOCATORIA PARA OS NOVOS COLABORADORES DA BIBLIOTECA

Convocamos a todos os colaboradores da biblioteca para o curso 2010-2011 a unha reunión que terá lugar na biblioteca o día 23 de Setembro de 2010.
Non faltedes!!!
Wordle: Untitled

CAILLOU VAI Á BIBLIOTECA



Grazas ao CEIP Victor Saenz de Mazaricos

13/9/10

CONVOCATORIA PARA ANTIGOS ALUMN@S COLABORADORES DA BIBLIOTECA

O vindeiro 24 de Outubro conmemoramos o "Día da biblioteca", por este motivo gustaríanos organizar unha sesión de CONTACONTOS para os nenos e nenas do colexio en horario de tarde.
Estimaríamos a vosa colaboración para facer de contacontos.
Graciñas!!
Chamade ou pasade polo colexio.

7/9/10

COMEZA UN NOVO CURSO

Benvid@s ao curso 2010-2011. Todos os libros da biblioteca están esperando para ver a todos os nenos e nenas por aquí.
Non faltedes!!!


23/8/10

OUTRO XOGO

CONSTRUE RÚAS


Máis xogos en VEDOQUE

22/8/10

XOGO DE MECANOGRAFÍA


"El avión mecanógrafo" é un xogo para practicar mecanografía. Ten 3 niveis. Tes que teclear as letras que aparecen nos avións e no globo.
Anímate!
Grazas ao blog de Vedoque.

9/8/10

Son un adict@... aos libros



Grazas a Trafegando Ronseis por este video de animación á lectura.

20/7/10

PARA @S QUE VIAXAN...

MAPAS INTERACTIVOS visto en BIBLIOTICS

Atoparás máis mapas se premes AQUÍ

15/7/10

NO VERÁN... A XOGAR



Durante o verán aparte de ler un pouco e xogar na praia tamén hai tempo para botarlle unha ollada a estes xogos sobre todo cando vai mal tempo.


Para @s que vos gustan (ou non) as matemáticas, probade con estas MATEMÁTICAS DIVERTIDAS.

EL MUNDO DE BUBBA, para @s máis pequeniñ@s



A encantadora porquiña PEPPAPIG (está en inglés pero é moi divertida)

ABIERTO POR VACACIONES -actividades da Junta de Castilla y León.

PREME AQUÍ SE QUERES MÁIS ACTIVIDADES

7/7/10

PREGUNTAS DO CORAZÓN

Grazas ao blog de "Trafegando ronseis" chega este delicioso video PREGUNTAS DO CORAZÓN:na biblioteca hai sempre un libro que nos contesta.


Preguntas:

Nena: O amor é para sempre?

Adolescente: Por que non podo facer amig@s?

Mozo: Como podo superar isto (quedar no paro)?

Parella maior: Como podemos encher o noso niño baleiro?

27/6/10

OBRADOIRO DE XOGUETES COA NATUREZA

O día 21 de xuño visitounos no colexio Xosé Manuel García e ensinoulles aos nenos e nenas que con materiais que nos da a natureza (follas de castiñeiro, madeira,xuncos, follas de loureiro, espiñas, noces, millo…) pódense construir xoguetes que eran os que facían hai uns anos os nosos avós ( carrilanas, bonecas coas follas do millo, colares…)
Nesta ocasión todos os nenos e nenas do colexio aprenderon a construir uns barcos con xuncos e tamén foguetes e ademais pasáronno moi ben.


24/6/10

II EQUIPO DE COLABORADORAS

Despedimos ao Equipo de colaboradoras da biblioteca.

Grazas a todas polo voso traballo e boa sorte para ANGELA RIVAS, ANA, MELANIE E TANIA de 6º que xa nos abandonan.

Queda o resto do equipo de 5º e vémonos o próximo curso.

Bo verán
Mirade que contentas están cos seus "diplomas".

23/6/10

HOMENAXE A JOSÉ SARAMAGO

Un relato para nenos/as e para maiores, con debuxos animados, que se chama " A flor máis grande do mundo "

3/6/10

CELEBRACIÓN DOS MAIOS 2010

O venres 21 de maio e con moi bo tempo celebramos os Maios no colexio. Todos os nenos e nenas viñeron guapísimos con roupa e sombreiros adornados de flores, follas...
Fumos polo paseo marítimo e no campo do Cembedo bailamos e cantamos as coplas dos Maios que fixeron por ciclos. Tamén estivo o Maio e os nen@s tiveron que espertalo varias veces.
Aquí están algunhas das fotos dese día.

29/5/10

SEGUIMOS TRABALLANDO CON UXÍO NOVONEYRA

2º-3º ciclo

infantil e 1º ciclo
PREME NAS IMAXES

O CEIP O Pombal de Vigo propón este xogo para Infantil e Primaria sobre Uxío Novoneyra.
Graciñas por compartir o voso traballo.

18/5/10

A EXPOSICIÓN SOBRE O MAR NO COLEXIO

Presentación da exposición do colexio sobre o mar .
Grazas a tod@s pola colaboración aportando materiais e fotos.

14/5/10

DÍA DAS LETRAS GALEGAS-XORNAL DO COLEXIO

Para conmemorar o Día das Letras Galegas entregamos o xornal "O Charlatán de Covas" que elaboramos entre tod@s, participando toda a comunidade educativa. Cada clase fai un traballo para publicar e, neste curso que estamos a traballar sobre "O mar", moitos dos artigos fan referencia a este tema.
Destacamos a figura de UXÍO NOVONEYRA con a súa biografía e a ilustración do conto "Ilda, o lobo, o corzo e o xabarín" feito polos nen@s de 5 anos.
É unha pena que non podemos publicar todas as páxinas do xornal a cor .
Grazas a tod@s pola vosa colaboración

10/5/10

FOLLARASCA DE UXÍO NOVONEYRA


Precioso regalo para as bibliotecas escolares de Olga&Emilio.

7/5/10

SEMANA DA LECTURA 2010

Do 26 ao 29 de Abril celebramos no colexio a Semana da lectura na que os nen@s convírtense en contacontos.Conmemoramos o Día internacional do libro e esta actividade xa está consolidada no centro.
Tod@s o fixeron estupendamente e como mostra estas fotos.
Grazas a tod@s os mestres e nen@s.



1/5/10

ACTIVIDADES SOBRE UXÍO NOVONEYRA

Enlaces de actividades sobre UXÍO NOVONEYRA.

CEIP DE FRIAN - Actividades Lim do conto adaptado "Ilda, o corzo, o lobo e o xabaril"

CEIP CONDESA DE FENOSA -Poeta do Courel - actividades Lim sobre a biografía e lugares onde viviu Uxío Novoneyra.

CEIP DE ANDRADE -Webquest sobre Uxío Novoneyra

CEIP NOSA SENHORA DE XUVENCOS -Aula virtual (entrar como convidado)

SEMINARIO GALÁN - Actividades en liña para todos os ciclos dende infantil ata o 3º ciclo

15 POEMAS PARA RECITAR - poemas para recitar dende "a biblioteca do cole"

Máis sobre UXÍO NOVONEYRA- Libro sobre este escritor feito por Antonio Martínez (biblioafonso)
(Ceip Mestre Martínez Alonso, Mos)

CEIP MESTRE MARTÍNEZ ALONSO, MOS -webquest sobre Uxío Novoneyra para o 1º-2º e 3º ciclo de Primaria

Grazas a estes colexios por compartir os seus traballos.

28/4/10

EXPOSICIÓN "A FALA MARIÑEIRA"

A semana pasada e seguindo coas actividades da biblioteca e de normalización lingüística sobre o mar os nen@s do colexio visitaron o Concello para ver a exposición de traballos elaborados por cinco colexios da zona sobre “A fala mariñeira” e, aos alumn@s do 3º ciclo Vicente Míguez e o mariñeiro Xuxo da Casilla faláronlles sobre a vida do mar.
Na exposición había murais coas palabras, ditos e refráns que fan referencia ao mar,fotos da vida dos mariñeiros, embarcacións, aparellos e maquetas de barcos.