No contexto lingüístico do segundo ciclo traballamos a literatura de tradición oral a través da creación de conxuros elaborados por terroríficos bruxas e bruxos que prometen rematar coa tranquilidade da Bibliocovas.
Anotade os ingredientes para elaborar as apócemas que estades ante toda unha clase maxistral de maxia da boa.
Que comece o aquelarre
e as vosas rimas se fagan realidade!!
Celebramos o Día da Poesía, da Árbore e da Auga coa visita de Jaime Oroza.
Jaime vive en San Pedro (Viveiro), ex profesor de inglés, escritor, poeta e fotógrafo achegounos coas súas fotos ás marabillas do Souto da Retorta, o Penedo do Galo, o Castelo, San Roque, a Silvarosa...
Ademais amosounos impresionantes imaxes da natureza con cabalos, bolboretas, paxaros, cascadas, árbores autóctonos...
Non faltaron as fotos dende o mar coas vistas ao Fuciño do Porco, praias de Sacido, Seiramar, a Illa da Gabeira... natureza en estado puro!
Todo esto regado pola música de acordeón do seu amigo Simón.
Escoitamos como recitaba os seus versos que teñen a estrutura dos Haikus.
A poesía de Jaime está ligada á natureza falándolle ao vento, aos paxaros... "Zoa o vento", " O canto do malvís"...
Os nenos e nenas de 5º e 6º disfrutaron con esta visita chea de poesía, natureza e música!
LUZ POZO GARZA, poeta que foi nomeada Filla adoptiva de Viveiro, morreu o día 20 de abril na Coruña. Tiña 97 anos.
Durante os días da exposición houbo diferentes actividades dinamizadoras: teatro a cargo da Asociación de Axuda ao Enfermo Mental da Mariña, poesía na Rúa ( poesías recitadas polos nenos e nenas dos centros educativos que foron difundidas pola megafonía nas rúas do casco de Viveiro).
Xa estamos a prepararnos para outra nova actividade da MICRORREDE DA MARIÑA. Como sabedes este proxecto colaborativo de centros educativos que formamos parte do PLAMBE (Plan de Mellora das Bibliotecas Escolares) veuse incrementado con dous novos centros (a Escola Oficial de Idiomas de Ribadeo e o CEIP Fondo Nois de Foz). 
