"COMECHÍNS, SEGUNDO PRATO"

Hoxe tivemos contacontos!!!! Alba Bermúdez mergullounos nun mundo imaxinario no que as crianzas, e os máis maiores, puidemos descrubrir que a lectura pode abrir o apetito. 

Mmmmmm Que delicia volver a disfrutar dun contacontos en directo!!!😍😍😍😍😍😍😍

       

  

BRAIS MOURE ESTIVO NO COLEXIO

Brais Moure

Brais Moure, o contacontos estivo no centro para falarnos de Antón Fraguas e a súa Galica Máxica a traves das árbores e da importancia de coidar a natureza. Ensinounos diferentes polas de árbores: teixo, acivro, loureiro... e contounos moitas cousas das xacias e como prantar unha árbore nunha bota.

SEMANA DA LECTURA "NÓS SOMOS OS CONTACONTOS"

Semana da lectura "Nós somos os contacontos" 2018

Para celebrar o mes dos libros, todos os nenos e nenas foron "contacontos" e dramatizaron, contaron, leron... contos ou obras de teatro aos compañeir@s.
Empregaron o Kamishibai os nenos/as de 2º e 5º con marabillosos debuxos.
Os nenos e nenas de 1º empregaron máscaras e o resultado foi un éxito. Tamén os de 4º decidiron facer obras de teatro que fixeron estupendamente.  Os de  5 anos contaron unha historia empregando monicreques de cartulina.
Tamén houbo lectura de poemas, lectura de historias...
Durante unha semana na hora de ler polos corredores do colexio unha morea de nenos e nenas que ían para as clases dos compañeir@s ou para a biblioteca con nervios que lles supón actuar para un público tan esixente pero tan agradecido como son os demais nenos e nenas do cole.

DÍA INTERNACIONAL DO LIBRO E OS DEREITOS DE AUTOR

Conmemoramos o Día Internacional do Libro cunha sesión de contacontos na que os nenos e nenas de 3º,4º,5º e 6º de Primaria foron ata as clases de Infantil e o 1º Ciclo para lerlles un conto.
Os nenos e nenas do 2º e 3º Ciclo están traballando nun obradoiro de creación de libros e cada un está a facer un libro que lles entregarán aos nenos e nenas máis pequenos do colexio.

 No Día do Libro conmemórase a data da morte de Miguel de Cervantes e William Shakespeare en 1616.

Os alumnos/as de 6º de Primaria estiveron traballando na clase de inglés sobre William Shakespeare.

Todos os nenos/as están completando os seus pases ao LIBERESPAZO.

Contacontos "Os quinquilláns"

Tivemos a visita do grupo de teatro "Os quinquilláns" que nos presentaron a obra "Merlín". Entusiamaron a todos os nenos e nenas dende 1º ata 6º de Primaria (e ás proferoras tamén).

SEMANA DA LECTURA 2012

Co gallo do DÍA INTERNACIONAL DO LIBRO, celebramos no colexio a SEMANA DA LECTURA (Queres que che conte un conto?) na que todos os nenos e nenas van a outras clases a ler, dramatizar, recitar...
Durante esta semana, a hora de ler é especial e as clases reciben ansiosas aos nervosos/as contacontos.
Así os nenos e nenas de 6º reciben ilusionados aos de infantil e os de infantil van feitos unha chea de nervos ás clases dos "maiores".