DÍA INTERNACIONAL DO LIBRO E OS DEREITOS DE AUTOR

Conmemoramos o Día Internacional do Libro cunha sesión de contacontos na que os nenos e nenas de 3º,4º,5º e 6º de Primaria foron ata as clases de Infantil e o 1º Ciclo para lerlles un conto.
Os nenos e nenas do 2º e 3º Ciclo están traballando nun obradoiro de creación de libros e cada un está a facer un libro que lles entregarán aos nenos e nenas máis pequenos do colexio.

 No Día do Libro conmemórase a data da morte de Miguel de Cervantes e William Shakespeare en 1616.

Os alumnos/as de 6º de Primaria estiveron traballando na clase de inglés sobre William Shakespeare.

Todos os nenos/as están completando os seus pases ao LIBERESPAZO.

ANXO MOURE E O SEU CARBALLO CON BOTAS

Tivemos a visita de Anxo Moure, autor dos "Contos na casa das árbores" e narrador de historias. Falounos dos contos de "O carballo con botas", unha morea de  historias que nos ensinan a respectar a natureza, as árbores, non tirar lixo, respectar ao animais, reciclar...
Con música, disfraces e cancións, todos os nenos e nenas participaron con Anxo.
Despois foise coa súa  Ecobicicleta a outros colexios para contarlles máis historias.
Unha visita que nos encantou tanto aos nenos e nenas como ao profesorado.
Se queres saber máis sobre Anxo Moure, preme na ciclobiblioteca

DIA INTERNACIONAL DO LIBRO INFANTIL

O día 2 de abril celebramos o Día Internacional do Libro Infantil.
Como este curso estamos adicando o proxecto monográfico ao Teatro, os nenos e nenas decoraron un marcapáxinas con forma de entrada, próximamente veremos os resultados.
Os nenos e nenas do colexio escribiron acerca dos libros que leron , e esas son as súas impresións.

DÍAS MUNDIAIS DA ÁRBORE E DA AUGA

Para conmemorar estes días (21 e 22 de marzo) plantamos unha árbore (bidueiro)  no xardín do colexio.
 Os encargados de plantalo foron dous nenos de 1º de Educación Primaria Pablo e Mael, elexidos nun sorteo. Tamén se decidiu poñerlle o nome de COPRI.

Durante a HORA DE LER  reunímonos todos os alumnos/as e profesoras na biblioteca do colexio e limos contos do libro VIAXE POLOS RÍOS E ÁRBORES DOS ANCARES.

DEBUXOS DOS NENOS E NENAS DE 1º SOBRE O DÍA DA ÁRBORE

Debuxos de 1º no Día da árbore on PhotoPeach


Os nenos e nenas de 1º fixeron estes debuxos sobre o Día da árbore.
Prometeron que ían coidar a Copri ata que rematen a primaria no colexio.

SEGUIMOS CONTANDO CO KAMISHIBAI

Os nenos e nenas de 6º siguen contando  historias co Kamishibai.
Estas últimas semanas estiveron nas aulas dos nenos e nenas de 2º, 3º e 5 anos.
Tod@s estiveron moi atentos e interesados nas historias que lles contaban os seus compañeiros/as.