DÍA DE ROSALÍA

Celebramos esta data coa elaboración dun poster por clase ilustrando poemas de Rosalía relacionados coa cociña tradicional. Ademais os nenos e nenas recitaron os poemas aos compañeiros/as na biblioteca.

 

ENTROIDO-O COCIDO DE COVAS

Así de ben o pasamos no Entroido disfrazados de COCIDO DE COVAS. Non faltaba nada: grelos, patacas, garavanzos, sopa, porco, os cociñeiros para cociñar para todos nunha gran pota. Os disfraces elaborámolos no cole nuns obradoiros interclases. Durante duas semanas nenos e nenas confeccionamos os grelos, patacas... empregando so materiais reciclados, tea non tea, papel... PERO SEN PLÁSTICO. Ademais o Meco que este ano era una SARDIÑA xa que estamos a traballar no proxecto de centro sobre a ALIMENTACIÓN SAUDABLE, e que nos ordenou durante a semana o que tiñamos que traer ao cole. Fixemos un gran desfile polo Paseo Marítimo de Covas cantando as coplas do Entroido e bailamos e cantamos diante do público formado polas familias dos nenos e nenas. Tamén estaban varios residentes de Domusvi que colaboran todos os anos con nós.

ROSALIA DE CASTRO E A COCIÑA TRADICIONAL

Para o Día de Rosalía os nenos e nenas do colexio van ilustrar poemas da escritora relacionadas coa cociña tradicional e os alimentos.
Dentro do proxecto da biblioteca estamos a traballar a Alimentación saudable, cociña tradicional e o coidado do planeta.
Rosalía ten moitos poemas nos que fai alusión aos alimentos tradicionais humildes (zonchos, boliños, papas, caldo...) e que demostraba o seu amor a Galicia.