ASÍ CELEBRAMOS O DÍA DA PAZ

O obxectivo desta conmemoración é "fomentar a cultura da paz e a non violencia nos nosos alumnos/s a través de actividades que impliquen cooperación, tolerancia e respecto aos demais". Contamos fai uns días coa visita dunha colaboradora da asociación de acollida de nenos/as dos campos de refuxiados do Sáhara que nos amosou un video sobre a vida no deserto e deunos unha pequena charla aos nenos/as do centro contando como viven outros nenos/as e outras culturas. Quixemos colaborar con estes nenos/as enchendo un "Contenedor de material escolar para o Sáhara" aportado por todos os nenos e nenas do centro. Este pequeno acto estivo acompañado de música da canción “Mandela” de Pablo Milanés. Este ano decidimos facerlle unha pequena homenaxe a Nelson Mandela, premio Nobel da Paz en 1994 na que os nenos e nenas de 6º escribiron e leron unha breve biografía e algunhas das frases pronunciadas por el e que temos exposto en posters polo colexio. Ademais cantamos unha canción adicada a Mandela (Asimbonanga). Os nenos/as leron varias frases de Mandela adicadas ao deporte, á participación e colaboración cos demais. Todo o alumnado do centro bailou unha danza sobre a importancia da non violencia e a paz e ademais un grupo de alumnas. de 6º sorprendeu cunha danza que acompañaron todos os nenos e nenas. Como o tema da biblioteca deste curso está adicado á ALIMENTACIÓN , elaboramos un ABECEDARIO DE ALIMENTOS DE PAZ entre todos os nenos e nenas do centro.

dia da paz 2014 - presentacion imagenes

NO DÍA DA PAZ POÑEMOS O NOSO GRAN DE AREA

Hoxe tivemos a visita de Ana Mejuto, a nai de Xoel de 6º, que nos veu amosar un video sobre a historia de LAIA unha nena saharaui que vive nun campo de refuxiados en Arxelia. Ana contounos como viven alí e ademais dende fai moitos anos acolle na súa casa a nenos/as saharauis durante o verán. Amosounos tipos de roupa que usan, colares e como fan o te. Tamén nos pidiu material escolar para enviarlles aos nenos e nenas da escolas. Imos colaborar con eles traendo materiais o Día da Paz nun contenedor para o Sáhara.