A bruxa regañadentes en 6º de infantil

 FOISE

Así escapou a bruxa regañadentes despois da lectura do conto. Unhas para a dereita e outras para a esquerda.

                             

O Samaín no contexto lingüístico

Adentrámonos na semana máis terrorífica do ano e no contexto lingüístico tivémolo moi en conta.

No primeiro ciclo tiveron "Unha extraña visita" e á Bruxa Brunilda como convidada de honra. Encheron un tarro de medos e crearon os seus propios monstros.

Tamén tiveron momento para os xogos de mesa sobre a festividade: Lince, Memory, Quen é quen e Tabú.

No segundo ciclo traballaron a lectura de "O noso Samaín" a través dunha lectura feita por antigos alumnos e alumnas do cole.

Preme na imaxe para escoitalo....

Tamén crearon unha tripulación terrorífica para un barco pantasma que acaba de chegar á praia de Covas e traballaron as criaturas fantásticas das lendas galegas.

O SAMAÍN E HALLOWEEN NO COLE

 O venres celebramos o Samaín-Halloween. A pesar da pandemia todos necesitábamos pasar un ratiño de diversión e disfrazarnos que é o que máis nos gusta.

Decoramos o cole e o patio e o alumnado e profesorado do cole viñemos disfrazados de bruxos e bruxas.

No patio en grupos burbulla e mantendo as distancias entre grupos queimamos os medos que previamente escribimos nunha cartulina coa silueta dun personaxe de medo (pantasmas, esqueletos, morcegos...).

Despois bailamos cancións en inglés e en galego. 

Foi unha festa TERRORÍFICA!!!