Agasallos de Graduación

Para a Graduación de sexto o alumnado e o equipo da Bibliocovas deseñaron unhas medallas, co seu nome e promoción, que cortaron e gravaron na cortadora láser. Imprimiron na 3D o 2026, ano da Graduación, e colgárono do recordo que lles fixo o cole. Por último, e o máis emotivo, foi a camiseta coa foto do alumnado e os seus nomes.

Fixemos a foto na entrada do que sempre será o seu cole!!!

Moita sorte na nova etapa. Sode moi molóns e molonas!!!

                             

Entroido 2026: Vive Covasmola

Chegou o día e, nesta ocasión, a choiva non ía ser quen de roubarnos a ilusión dun dos días que máis gozamos do curso.

Chove? Pois plab B: Desfile polos corredores do cole.

En que consistiu Vive Covasmola? Pois estamos co PDI "Seres Covasmola" e decidimos representar cos nosos disfraces ao habitantes do pobo Covasmola, que viría a ser o alter ego do noso Covas. Confeccionamos os disfraces en diferentes obradoiros verticais con nenos e nenas de todas idades.

Tivemos turistas de visita, mariñeiros pescando luras na ría, usuarios da residencia de maiores facendo deporte, buzos que se mergullan para estudar os pecios de Covas que son a Fragata Magdalena e o bergantín Palomo; e tamén tivemos fauna: un parque Pernas Peón cheíño de parrulos e,como non, uns Castelos ateigados de cangrexos.

Finalmente fomos quen de cantar a alpuxarrada no ximnasio.

Pasámolo bárbaro!!!

                             

Obradoiro de disfraces. Entroido 2026

O pasado venres comezamos os obradoiros de elaboración de disfraces para o Entroido 2025.

Sacamos os patróns e a mellor das ilusións e inauguramos a actividade de centro deste segundo trimestre, dentro do PDI "Seres Covasmola". 

Sen dúbida a actividade máis agardada polo alumnado 🪡 🧵 ✂️