Pechamos o Mercado Bailando!!!!!

 Non había mellor maneira que facelo bailando. Aquí vos deixamos aos nenos, nenas e profesorado do noso cole bailando "All I want for christmas is you"

😍😍😍😍😍😍😍😍

       

MERCADO DE NADAL "COVASMOLA"

Todo preparado para celebrar o primeiro Mercado de Nadal "Covasmola".

En que consiste o noso mercado?

O noso Proxecto Documental Integrado (PDI) sabedes que se chama Covasmola e que nel traballamos, principalmente, tres eixos:

1. Alimentación saudable.
2. Sustentabilidade.
3. Mobilidade.

Pois para facer o noso Mercado creamos unha moeda, os "Covasmola", e emitimos billetes de 1, 2 e 5 Covasmola. 

 

 

Como se poden conseguir estes cartos?

Durante o mes de desembro realizamos un rexistro nas aulas das merendas, recipientes reutilizables e desprazamentos ata a escola. Deste xeito cada día que os nenos e nenas traían a merenda respectanto o calendario gañaban 1 Covasmola, cando esa merenda viña sen plásticos e en envases reutilizables gañaban 2 Covasmola e cada día que chegaban ao cole a pé, en bici ou en patíns gañaban 5 Covasmola.

 

 

Fixemos o reconto dos cartos (viva o ABN!!!) 

Os cartos gañados poden empregarse no Mercado de Nadal coa seguinte lista de prezos:

 

Así que todo preparado para recibirvos. Os nen@s de sexto venden libros do espurgo, marcapáxinas, farois, chapas, pulseiras, tatoos e lápices. Esperamos que o disfrutedes 😍😍😍😍😍😍

 

 

 

E tamén agardamos a chegada dos Reis Magos á nosa Bibliocovas na que contamos coa colaboración da ANPA.

QUE EMOCIÓN!!!!!

       

  

POLO NADAL LOLO AGASALLOU AOS NENOS E NENAS CUN LIBRO

Este Nadal o Equipo de Colaborador@s da Biblioteca recomenda...

 

EQUIPO DE COLABORADOR@S DA BIBLIOTECA NO CURSO 2020-2021

 Xa temos o novo Equipo de Colaborador@s da biblioteca.

E xa van 13!!!!!

Está formado por 19 nenos e nenas de 6º de Primaria. Estiveron recibindo formación durante os recreos sobre organización e funcionamento da biblioteca.

Este curso as tarefas asignadas son máis reducidas que nos anos anteriores debido á limitación das actividades que se organizaban dende a biblioteca.

De todas maneiras terán moito traballo que facer e están ilusionados coa súa nova actividade.

Xa comezaron elaborando o video o Día contra a violencia de xénero sobre o libro "O chuvasqueiro de Aurora".

Ahora están a preparar as recomendacións lectoras para o Nadal ademais de organizar unha actividade para o alumnado que ten relación cos libros expurgados.