CEIP PLURILINGÜE de COVAS-VIVEIRO (LUGO)
No contexto lingüístico do segundo ciclo traballamos a literatura de tradición oral a través da creación de conxuros elaborados por terroríficos bruxas e bruxos que prometen rematar coa tranquilidade da Bibliocovas.
Anotade os ingredientes para elaborar as apócemas que estades ante toda unha clase maxistral de maxia da boa.
Que comece o aquelarre
e as vosas rimas se fagan realidade!!
Adentrámonos na semana máis terrorífica do ano e no contexto lingüístico tivémolo moi en conta.
No primeiro ciclo tiveron "Unha extraña visita" e á Bruxa Brunilda como convidada de honra. Encheron un tarro de medos e crearon os seus propios monstros.
Tamén tiveron momento para os xogos de mesa sobre a festividade: Lince, Memory, Quen é quen e Tabú.
Tamén crearon unha tripulación terrorífica para un barco pantasma que acaba de chegar á praia de Covas e traballaron as criaturas fantásticas das lendas galegas.
Quixemos lembrar á nosa Rosalía recitando os seus poemas no contexto lingüístico. Buscamos a mellor das localizacións e dramatizámolas como a obra o require. Aquí vos deixamos unha mostra do alumnado de 5º e 6º de Educación Primaria.
