Semana da prensa

No contexto lingüístico do terceiro ciclo traballamos a prensa convertíndonos en xornalistas. Traballamos a prensa escrita a través dos xornais impresos e dixitais, elaboramos noticias en papel, deseñamos un diario dixital, e incluso fixemos entrevistas de radio para a Radiocovas co seu traballo de documentación previo nos fondos da Bibliocovas

Semana da Prensa

Para celebrar a Semana da prensa traballamos nas partes dun xornal e dunha noticia.

Despois fixemos curuxas co papel dos xornais atrasados, xa sabedes da importancia da reciclaxe no noso PDI Covasmola 2.0. Quedaron espectaculares!!!!

Sabedes por que as curuxas se identifican coas bibliotecas?

Pois a razón está na deusa Atenea, deusa da sabedoría, que é representada cunha curuxa no seu brazo como símbolo do coñecemento.

A nosa mascota Lolo, que tamén é un paxaro cheo de sabedoría, está encantado coas súas novas compañeiras!!!

Semana da Prensa en Infantil!!!!

O alumnado de Educación Infantil están a traballar nun novo proxecto de "Superheroes", si si, de Superheroes.

Crearon os seus propios superheroes cós seus superpoderes e publicaron na prensa os seus personaxes e as súas aventuras. Lembremos que a algún superheroe lle gusta traballar no periódico 😍😍😍😍😍😍

Aquí vos deixamos as súas creaccións como redactores 👏👏👏👏👏👏

SEMANA DA PRENSA- EMPREGAMOS OS XORNAIS PARA DISFRAZARNOS E XOGAR

Entre as actividades que levamos a cabo durante a Semana da prensa, na área de Educación Física facemos disfraces cos xornais vellos e os nenos e nenas aprenden a reciclar e traballar de maneira cooperativa.
 Tamén xogamos empregando os xornais como material lúdico: carreiras cos xornais pegados, como cesta para xogar coa pelota, como raqueta... a imaxinación dos nenos e nenas é imparable.

disfraces semana da prensa

SEMANA DA PRENSA

Durante a semana pasada conmemoramos a Semana da Prensa.
Os nenos e nenas de Infantil limos os xornais e elaboramos unha noticia.
Tamén en 3º elaboramos noticias despois de ler os xornais.
Na clase de plástica reciclamos xornais vellos e fixemos cadros, perrucas, gorros...
Tivemos expostos na biblioteca os xornais do centro "O Charlatán de Covas" , exemplares do xornal "Heraldo de Vivero" , xornais deportivos, suplementos...

semana prensa2 - Video Maker

SEMANA DA PRENSA

semana da prensa-Heraldo de Vivero - Video Maker
Comezamos a Semana da Prensa no colexio coa visita de Juan Carlos Neira, director do xornal "El Heraldo de Vivero", o único xornal que se publica no noso concello. Asistimos as clases de 2º e 3º ciclo. Juan Carlos contounos moitas cousas relativas ao proceso de elaboración dos xornais: o papel empregado, as máquinas, tipos de xornais, de noticias e seccións... Relatounos anécdotas e as noticias máis importantes que publicou no Heraldo que dirixe: a aterraxe na praia de Covas de dous avións, a saída do Titanic en 1912, o descubremento dos restos do naufraxio do bergantín Palomo e a fragata Magdalena... Tamén nos falou do papel tan importante dos xornalistas á hora de coñecer o que acontece no mundo e que todos nós somos un pouco xornalistas porque contamos aos demais as cousas que pasan.