As letras translúcidas podémolas atopar en maiúsculas e en minúsculas. Con elas traballamos a lectoescritura con exercicios como ordenar o abecedario, correspondencia entre maiúscula e minúscula, composición de palabras…
Neste caso cada neno e cada nena escribiu o seu nome!!!
Para seguir traballando a saúde mental como eixo vertebrador do PDI Covasmola 2.0, xunto coa saúde social e a educación sexual, plantexamos unha actividade de centro para pechar o trimestre sobre a biofilia.
Pero, que é a biofilia?
Adult@s e nen@s están na natureza de diferente maneira. Para os nen@s non é só un marco, é unha fonte de estímulos, é un territorio a descubrir, ofrecéndolles unha experiencia sensorial completa que impacta sobre a súa imaxinaión e as súas emocións. Os nenos/as son aprendices activos, investigadores, e aprenden máis e mellor cando teñen a posibilidade de interactuar.
O concepto "biofilia" foi acuñado polo biólogo Edward O. Wilson para referirse á afinidade innata que a humanidade, e especialmente a infancia, sinte polos seres vivos. Clemens G. Arvey no seu libro "El efecto biofilia", chama a atención sobre a acción positiva da natureza sobre a saúde: "é un feito demostrado cientificamente; a natureza é a mellor terapia. Para que o efecto biofilia se produza non fai falla nada máis que rodearse de plantas, animais e terra, respirar, andar e deixar que a mente voe".
Se permitimos que os nenos e nenas medren en contacto estreito coa natureza, o seu benestar e o do planeta están garantidos.
Así que dividimos o centro en catro grupos que visitaron catro espazos distintos da nosa contorna para sentir o efecto biofilia.
O alumnado de Educación Infantil estivo nunha horta e en contacto con animais domésticos. O de 1º e 2º de Primaria ciclo foron á Praia de Covas, o de 3º e 4º a Xunqueira e ao paseo fluvial do Río Landro en Viveiro e o de 5º e 6º fixo realizou unha andaina ata o Monte San Roque con dúas rutas diferentes, unha de subida e outra de baixada.
Os nenos e nenas debían recoller as súas vivencias, a súa interacción con estes espazos naturais tan diferenciados, para realizar un traballo posteriormente na aula.
Coas imaxes recollidas Educación infantil fixo un cadro. Nel pódese observar como a natureza serve de fondo, de recheo para siluetas de elementos tamén naturais. Os máis peque colocáronos de xeito maxistral e inmortalizáronas para realizar unha composición marabillosa!!! 😍😍😍😍
Os nenos e nenas de 3º e 4º experimentou en Xunqueira e o paseo fluvial do Río Landro a súa inmersión natural. Recolleron imaxes do momento e crearon un mural no que reproducen o campo de Xunqueira e unha árbore tridimensional con follas penduradas onde se poden ver as imaxes captadas así como ter acceso a un código QR que redirixe a un diaporama espectacular de ditas imaxes.
Diaporama
Combinaron tanto imaxe fixa como vídeos e música e editaron o seu traballo como bós profesionais.
O 28 e 29 de marzo tivemos tivemos un Obradoiro de Educación Emocional dirixido ao alumnado de Educación Primaria e impartido polo equipo psicopedagóxico "La ciudad educativa". Dentro dos ditames do oso PDI Covasmola 2.0 temos, ademais da alimentación saudable, a sustentabilidade e a mobilidade, do proxecto xerme Covasmola; a educación sexual, a a saúde social e a saúde mental.
Para garantir un alumnado san que medre nun adulto san precisamos, desde idades moi temperás, traballar a educación emocional en favor dunha saúde mental plena.
Neste senso se programou este obradoiro de emocións dentro do CP Inclúe Emociona-t. Nel o alumnado tivo a oportunidade de adentrarse no recoñecemento das emocións básicas e traballar sobre elas. Así mesmo realizaron diferentes técnicas de regulación emocional a través da relaxación.
A nosa identidade de centro "Covasmola" traballa por un alumnado san por fóra e por dentro.
Foi Emocionante!!!!!!
